Бақайата ауданы

Бақайата ауданы (қыр. Бакай-Ата району) — Қырғыз Республикасындағы Талас облысының батысында орналасқан әкімшілік бірлік.

Әкімшілік орталығы — Бақайата ауылы (бұрынғы Ленинполь).

Аудан 1936 жылы 2 тамызда РСФСР Қырғыз АССР-і құрамындағы Ленинполь ауданы болып құрылды. Қырғыз КСР құрылған кезде оның құрамына енді.

1939 жылы Қырғыз КСР-ның Фрунзе облысы құрылған кезде Ленинполь ауданы оның құрамына кірді.

1944 жылдың 22 маусымы мен 1956 жылдың 18 ақпаны аралығында Талас облысының құрамында болды. Кейін ол таратылған кезде қайтадан Фрунзе облысына қосылды, алайда өз кезегінде Фрунзе облысының 1959 жылы 27 қаңтарда жойылуына байланысты Ленинполь ауданы республикалық бағынысқа ауысты.

1959 жылы 26 қарашада Ленинполь ауданы таратылды. Оның территориясы Талас (Барқ-Арық, Қызыл-Октябрь, Ленинполь, Орел және Чалдовар сельсоветтері оның құрамына кірді) және Киров (Ключевск сельсоветі) аудандары арасында өзара бөлініп алынды.

1977 жылы 19 мамырда Ленинполь ауданы республикалық бағыныстағы аудан ретінде қайта қалпына келтірілді. Ауданның құрамына келесі сельсоветтер енді: Киров ауданынан Бейшекен және Ключевск; Талас ауданынан Барқ-Арық, Қызыл-Октябрь, Ленинполь және Орел.

1980 жылы 3 қыркүйекте Талас облысының қалпына келуіне байланысты Ленинполь ауданы оның құрамына енгізілді. Талас облысы 1988 жылы 5 қазанда таратылғаннан кейін Ленинополь ауданы тағы да тікелей республикалық бағынысқа ауысты.

1990 жылы 14 желтоқсанда Талас облысы, қайтадан қалпына келтірілді және Ленинполь ауданы қайтадан оның құрамына енгізілді

1992 жылы 6 наурызда аудан атауы Бақай-Ата ауданы болып өзгертілді.

1999 жылы 17 қыркүйекте Бейшкен ауылдық кеңесі (қырғ. айылдык кенеш) Бақай-Ата ауданынан Қара-Бура ауданы құрамына берілді.

2001 жылдың 8 ақпанында аудандағы бірқатар айылдық кенештердің атауын өзгерту жүргізілді: Орел - Ақ-Дебе, Ключевск - Боо-Терек, Барқ-Арық - Шадықан болды, сондай-ақ Орловка ауылы Ақ-Дебе, Ключевка - Боо-Терек, Калинин - Ынтымақ, Қара-Кашат - Түйте, Ленинполь - Бақай-Ата болып өзгертілді.

2005 жылы 13 сәуірде ауданның Қызыл Октябрь айылдық кенеші Ақназар болып өзгертілді.

2007 жылы 27 ақпанда Бақай-Ата ауданының Қызылқырғызстан ауылының атауы Қырғызстан ауылы болып өзгертілді .

2009 жылғы Қырғызстан халық санағы деректері бойынша қырғыздар 44 057 аудан тұрғындарының 43679 адамын құрайды (немесе 99,2 %), орыстар — 148 адам немесе 0,3 %, басқалары — 230 адам (0,5 %).

Бақайата ауданы құрамына 9 айыл аймағы мен 19 айыл кіреді:

• Ақназаров айыл аймағы: Қызылоктябрь (әкімшілік орталығы), Көктас, Мәдениет, Тасқұдық, Ұрмарал ауылдары
• Ақтөбе айыл аймағы: Ақтөбе (әкімшілік орталығы), Қызылсай, Қызылшаруа ауылдары
• Бақайата айыл аймағы: Бақайата (әкімшілік орталығы), Наматбек ауылдары
• Баутерек айыл аймағы: Баутерек ауылы (әкімшілік орталығы)
• Кеңарал айыл аймағы: Кеңарал ауылы (әкімшілік орталығы)
• Мыңбұлақ айыл аймағы: Мыңбұлақ ауылы (әкімшілік орталығы)
• Ора айыл аймағы: Қырғызстан (әкімшілік орталығы), Жонқорған, Первомайское ауылдары
• Өзгеріс айыл аймағы: Өзгеріс ауылы (әкімшілік орталығы)
• Шадықан айыл аймағы: Ынтымақ (әкімшілік орталығы), Түйте ауылдары