Бексұлтан Байкенжеев

Бексұлтан Байкенжеев (7 қараша 1949(19491107), Қызылорда облысы, Жаңақорған ауданы Қосүйеңкі ауылы – 10 мамыр 1993, Қызылорда облысы, Жаңақорған ауданы Қосүйеңкі ауылы) – сазгер әнші. Қазақстанның еңбек сіңірген мәдениет қайраткері. Қазақстан Білім беру ісінің үздігі. М.Көкеновтің шәкірті.

• Қызылорда педагогикалық институтын (Қорқыт Ата атындағы Қызылорда университеті) бітірген (1972).
• 1972 жылдан аудандық Әлшекей күйші атындағы өнер мектебінің директоры болып қызмет істеген.

Жүз елуге жуық ән жазған. Тұңғыш:

• «Ақбаян»
• «Жеңешем»
• «Күлімдеші»
• «Еркелеші
• Ермегім» әндерін белгілі әншілер З.Қойшыбаева, М.Ералиева, В.Қармысова, Л.Төлешева, Б.Маханбетова, тағы да басқалар орындаған.
• «Сырдария»
• «Ақшолпаным»
• «Ақ гүлім»
• «Нағашым»
• «Гүлденген Жаңақорған»
• «Құда болып жүрейік», тағы басқа әндері халық арасында кеңінен танымал.

Байкежеевтің бір топ әндері ән жинақтарына енген.

• «Ақбаян» (1984)
• «Ақ гүлім» (1992)
• «Сағынып жүрші» (1994) деген жеке әндер жинағы жарық көрген.

«Сыр сұлуы» және «Нұргүл» ансамбльдері құрамында көптеген елдерде өнер көрсеткен.

Халық шығармашылығы Бүкілодақтық фестивальдарының лауреаты атанды.

• Байкежеев атымен көше аталған.
• Жаңақорған аудандық мәдениет үйі жанынан өнер мектебі ашылды.
• Екі жылда бір рет сазгерлердің Байкежеевке бағытталған облыстық фестивалі өткізіліп тұрады.