Күшік — Ұлы жүз Жалайыр тайпасының руы.
«Күшік» - Қосымбеттің лақап аты (шын есімі Көлшік екен деп те айтады). Күшік төрт тармаққа бөлінеді:
- Таз,
- Жабысқақ,
- Қарасақал,
- Маржа.
1860 ж. 700 түтін (үй) болған. Күшік ұрпағы Қазан революциясына дейін Қапал уезіндегі Іле өзенінің оң жақ саласынан оңтүстік-шығысқа қарай Быжы өзенінің сол жақ саласына дейін кең аймақты - Ақдала, Көкдала жазықтары мен Шүрек, Сарыбұлақ, Ортаөзек, Сасық, Үшөзекті мекендеді. Олар Жоңғар Алатауының биік бөктерлеріне дейін жайлап баратын. Малы аз кедейлер негізінен көктеу, күзеулерде қалып, суармалы егіншілікпен айналысты.
Тұлғалары
- Қасым-Жомарт Кемелұлы Тоқаев
- Кемел Тоқаев
- Жолбарыс батыр, би