Павел I

I Павел (20 қараша (1 қазан) 1754, Елизавета Петровнаның жазғы сарайы, Санкт-Петербург — 12 (24) наурыз 1801, Санкт-Петербург) — Ресей императоры (1796—1801), III Петр мен II Екатерина баласы. Оның Александр (болашақ император I Александр), Константин, Николай (болашақ император I Николай), Михаил атты ұлдары мен 6 қызы болған. 1783 жылдан анасы II Екатерина бөлек Гатчинодағы сарайда тұрды. I Павел мемлекеттің ішкі саясатында Екатеринаның тәртібіне қарсы бағыт ұстаған болды. Бірақ шын мәнінде I Павел Екатеринаның ішкі саясаттағы жолын ұстады. Ұлы француз революциясы мен Ресейде шаруалар толқуынан қорыққан I Павел қатал реакциялық саясат жүргізді. Қатаң цензура енгізіп, жеке меншік баспаханаларды жапты (1797), шетелдік кітаптарды алып келуге тыйым салды (1800), озық ойлы адамдарға төтенше полициялық шаралар қолданды, ірі помещиктердің мүдделерін қолдап, оларға 600 мыңнан астам шаруаларды басыбайлы етіп берді. Шаруалардың қарсылығын басу үшін жазалаушы экспедицияларды және басқа заң актілерін пайдаланды. Армияға Пруссия үлгісі бойынша реформа жүргізді. II Екатерина сыртқы саясатын жалғастыра отырып, I Павел Францияға қарсы коалициялық соғысқа қатысты. I Павел ұсақтығы, қызба мінезділігі дворяндар арасында наразылық тудырды. Англиямен сауда қатынасын бұзғаннан кейін наразылық күшейе түсті. Гвардиялық офицерлер астыртын әрекетке әзірленіп, 11 марттан 12 мартқа қараған түні Михайловск бекінісінде I Павел өлтірді.

I Павел орыс. I Павел
Лауазымы
Ту Бүкілресейлік император
6 (17) қараша 1796 — 12 (24) наурыз 1801
Тәж кигізу жорасы	5 (16) сәуір 1797
Ізашары	II Екатерина
Ізбасары	I Александр
Ту Мальта орденінің ұлы магистрі Ту
6 (16) желтоқсан 1798 — 12 (24) наурыз 1801
Ізашары	Фердинанд фон Гомпеш
Ізбасары	I Александр
Ту Ольденбургтық графы Ту
1 шілде — 14 желтоқсан 1773
Ізашары	VII Кристиан
Ізбасары	Ольденбургтық I Фридрих Август
Өмірбаяны
Дүниеге келуі	20 қыркүйек (1 қазан) 1754 (1754-10-01) Санкт-Петербург
Қайтыс болуы	12 (24) наурыз 1801 (1801-03-24) (46 жас) Санкт-Петербург
өңдеу