Ресей премьер-министрі

Ресей Федерациясы Үкіметінің Төрағасы орыс. Председатель Правительства Российской Федерации
Лауазымды иеленуші Михаил Мишустин 16 қаңтар 2020 жылдан бастап
Басқару түрі	Аралас федерация (де-юре)
Ресми резиденциясы	Мәскеу Кремлі, Сенат сарайы, Үлкен Кремльдік сарайы (шерулік резиденция)
Кандидатураны ұсынады	Ресей Федерациясының Президенті
Өкілеттігінің мерзімі	үздіксіз, бір мерзімі 6 жыл
Лауазым пайда болды	1992 жыл
Сайты	government.ru

Ресей Федерациясы Үкіметінің төрағасы (орыс. Председатель Правительства Российской Федерации) — «Ресей Федерациясының Үкіметі туралы» 24-Федералдық конституциялық заң бойынша Ресей үкіметінің басшысы, оның негізгі қызметін анықтайды және оның жұмысын ұйымдастырады.

Жалпы алғанда, премьер-министр министрлер кабинетінің мүшелерін тағайындап, президент тұжырымдаған ішкі және сыртқы саясатты толығымен жүзеге асыруға жетекшілік ететін әкімшілік рөлді атқарады. «Ресей Федерациясының Үкіметі туралы» федералдық конституциялық заңға сәйкес Премьер-Министр келесі міндеттерді жүзеге асырады:

• Үкіметтің жұмысының орындалуын анықтайды және оның жұмысын Конституцияға, федералдық конституциялық заңдарға, федералдық заңдарға және президент жарлықтарына сәйкес ұйымдастырады;
• Президентке атқарушы биліктің орталық институттарының (мысалы, министрліктер мен федералдық агенттіктер) құрылымы мен функциялары туралы ұсыныстар енгізеді;
• Вице-премьерлерді, федералды министрлерді және басқа лауазымды тұлғаларды ұсынады және оларды президентке ұсынады;
• Президентке үкімет мүшелерін жазалау және марапаттау туралы ұсыныстар енгізеді;
• Сыртқы қатынастарда және ел ішінде мекеме ретінде үкіметтің өкілі рөлін атқарады;
• Өзі шешуші дауыс құқығы бар үкіметтің және оның Президиумының отырыстарын басқарады;
• Үкімет шешімдерін бекіту мақсатында оларға қолын қояды;
• Жыл сайын Мемлекеттік думаға үкіметтің қызметі жайлы есеп береді;
• Үкімет мүшелері арасында міндеттерді бөледі;
• Үкіметтің қызметі жайлы президентті хабардар етеді;

Премьер-министр осы ұйымдардың ex officio мүшесі болып табылады:

• Ресей Қауіпсіздік Кеңесі;
• ТМД мемлекет басшыларының кеңесі;
• Ресей мен Беларусь Одағының Жоғарғы Мемлекеттік Кеңесі;
• Шанхай ынтымақтастық ұйымының Үкімет басшыларының кеңесі;
• Еуразия экономикалық қауымдастығының үкіметаралық кеңесі.

Бастапқыда премьер-министрді Ресей императоры Мемлекеттік Думаның келісімінсіз тағайындайтын.

Кеңес дәуірінде РКФСР премьер-министрін әр сайлаудан кейін Жоғарғы Кеңес тағайындайтын.

Қазіргі уақытта премьер-министрді Мемлекеттік Думаның келісімімен Ресей президенті тағайындайды.

Премьер-министрді президент кез келген уақытта өз қалауы бойынша қызметінен босата алады. Премьер-министр сондай-ақ өз шешімі бойынша президентке отставкаға кету туралы өтініш бере алады. Президент мұндай отставкадан бас тартып, оны жұмысын жалғастыруға міндеттеуіне құқылы. Премьер-министр мен бүкіл үкімет конституция бойынша жаңадан сайланған президент инаугурациясынан кейін отставкаға кетуге міндетті. Президент үкімет, не премьерді сақтап қалуға құқылы.

Президент қайтыс болған, отставкаға кеткен немесе оған импичмент жарияланған жағдайда премьер-министр үш ай ішінде өтетін жаңа президенттік сайлауға дейін елдің уақытша президенті болады. Уақытша президент болған премьер Мемлекеттік Думаны тарата алмайды, референдум жариялай алмайды және Конституцияға өзгерістер мен толықтырулар енгізуді ұсына алмайды.

Ресей Конституциясында егер премьер-министр тағайындалмаса немесе өз міндеттерін атқара алмаса, президенттің міндетін кім атқаратыны нақты көрсетілмеген.

Төменде 1991 жылдан бергі Ресей үкіметі төрағаларының тізімі берілген. Премьер міндетін атқарушылары «м. а.» белгіленген.

№	Суреті	Аты-жөні (Өмір сүрген жылдары)	Премьерлігі		Партиясы	Президент
м. а.		Борис Николаевич Ельцин (1931—2007)	6 қараша 1991	15 маусым 1992	Партиясыз	Борис Ельцин (1991–2000)
м. а.		Егор Тимурович Гайдар (1956—2009)	15 маусым 1992	15 желтоқсан 1992	Партиясыз
1		Виктор Степанович Черномырдин (1938—2010)	14 желтоқсан 1992	23 наурыз 1998	Үйіміз — Ресей
м. а.		Сергей Владиленович Кириенко (1962 туған)	23 наурыз 1998	24 сәуір 1998	партиясыз
2			24 сәуір 1998	23 тамыз 1998
м. а.		Виктор Степанович Черномырдин (1938—2010)	23 тамыз 1998	11 қыркүйек 1998	Үйіміз — Ресей
3		Евгений Максимович Примаков (1929—2015)	11 қыркүйек 1998	12 мамыр 1999	Партиясыз
м. а.		Сергей Вадимович Степашин (1952 туған)	12 мамыр 1999	19 мамыр 1999	Партиясыз
4			19 мамыр 1999	9 тамыз 1999
м. а.		Владимир Владимирович Путин (1952 туған)	9 тамыз 1999	16 тамыз 1999	Партиясыз
5			16 тамыз 1999	7 мамыр 2000
м. а.		Михаил Михайлович Касьянов (1957 туған)	7 мамыр 2000	17 мамыр 2000	Партиясыз	Владимир Путин (2000–2008)
6			17 мамыр 2000	24 ақпан 2004
м. а.		Виктор Борисович Христенко (1957 туған)	24 ақпан 2004	5 наурыз 2004	Партиясыз
7		Михаил Ефимович Фрадков (1950 туған)	5 наурыз 2004	7 мамыр 2004	Партиясыз
м. а.			7 мамыр 2004	12 мамыр 2004
7			12 мамыр 2004	12 қыркүйек 2007
м. а.			12 қыркүйек 2007	14 қыркүйек 2007
8		Виктор Алексеевич Зубков (1941 туған)	14 қыркүйек 2007	7 мамыр 2008	Партиясыз
м. а.			7 мамыр 2008	8 мамыр 2008		Дмитрий Анатольевич Медведев (2008–2012)
9		Владимир Владимирович Путин (1952 туған)	8 мамыр 2008	7 мамыр 2012	Біртұтас Ресей
м. а.		Виктор Алексеевич Зубков (1941 туған)	7 мамыр 2012	8 мамыр 2012	партиясыз	Владимир Владимирович Путин (2012–)
10		Дмитрий Анатольевич Медведев (1965 туған)	8 мамыр 2012	7 мамыр 2018	Біртұтас Ресей
м. а.			7 мамыр 2018	8 мамыр 2018
10			8 мамыр 2018	15 қаңтар 2020
м. а.			15 қаңтар 2020	16 қаңтар 2020
11		Михаил Владимирович Мишустин (1966 туған)	16 қаңтар 2020	Қазіргісі	Партиясыз
м. а.		Андрей Рэмович Белоусов (1959 туған)	30 сәуір 2020	19 мамыр 2020	Партиясыз

• 1802 жылдан бастап Ресей мен КСРО үкімет басшыларының тізімі
• Ресей үкіметі