Саяси төңкеріс - қоғамның саяси өмірін түбірімен өзгерту, билік жүйесін құлату немесе саяси көшбасшыны, мемлекет басшысын ауыстыру. Саяси төңкеріс себептері сан алуан болуы мүмкін, бірақ ортақ алғышарт - қоғамдағы бірліктің болмауы, белгілі бір әлеуметтік топтың көңіл толмаушылығы. Сонымен бірге саяси жүйенің әлсіздігі.
Саяси төңкеріс билік легитимділігінің әлсіреуінен болады. Яғни, адамдардың тәртіп заңдылығына күмән тудыруы және оған бағынбауы. Биліктің легитимділік деңгейі жоғары болса, онда төңкеріс қаупі де болмайды. Негізінен саяси төңкеріс саяси және экономикалық түрақсыздық белең алған елдерге тән. Себебі, саяси және экономикалық тұрақсыздық азаматтардың билікке деген сенімін жоғалтады. Ұзаққа созылған соғыс та төңкеріске себеп болуы мүмкін. Бұл жағдайда саяси төңкеріс революцияға ұласады.