Субарктикалық белдеу

Субарктикалық белдеу, субарктика – Солтүстік жарты шардағы арктикалық және қоңыржай белдеулер (60 – 65⁰с.е. және 67 – 73⁰ с.е.) аралығындағы аймақ.

Субарктикалық белдеу тундра және орманды тундра белдемдерін қамтиды. Климаты суық. Құрлықтар (Еуразия мен Солтүстік Американың солтүстігі) және аралдардағы қаңтар айының орташа температурасы –5 – 40⁰С, шілдеде 5 – 12⁰С. Жылдық жауын-шашын мөлшері 300 – 500 мм. Атмосфералық жауын-шашын негізінен қар күйінде түседі; қар жамылғысы 7 – 8 ай жатады. Жер бедерінде көп жылдық тоң және онымен байланысты жер бедері тараған; күшті батпақтанған. Қыста мұхиттың едәуір бөлігі қатады. Мұхит суының температурасы жыл бойы төмен (0 – 5⁰С); планктондар, балықтар, т.б. теңіз жануарлары көп кездеседі.

Падаланған сілтеулер

1. Қазақ энциклопедиясы