Уоңка (фильм)

Уоңка
ағылш. Wonka
Фильмнің театрлық тұсаукесер постері
Жанры	мюзикл фэнтези
Режиссёрі	Пол Кинг
Продюсері	Дэвид Хейман Люк Келли Александра Фергюсон
Сценарийдің авторы	Сюжет: Пол Кинг Сценарий: Саймон Фарнаби (ағыл.)қаз. Пол Кинг
Басты рөлдерде	Тимоти Шаламе Киган-Майкл Кей Салли Хокинс Роуэн Аткинсон Оливия Колман Джим Картер
Операторы	Чһоң Чһоң Һун (ағыл.)қаз.
Сазгері	Джоби Тэлбот
Кинокомпания	Village Roadshow Pictures Heyday Films The Roald Dahl Story Company
Дистрибьютор	Warner Bros. Pictures
Ұзақтығы	116 минут
Бюджеті	125 миллион $
Кассалық түсімі	632.3 миллион $
Мемлекет	АҚШ  Ұлыбритания
Тілі	ағылшын
Шыққан жылы	2023
Келесі фильм	Уилли Уоңка және шоколад фабрикасы (сюжеті бойынша)
IMDb	ID 6166392
Ресми сайты Ортаққордағы Уоңка

Уоңка (кейде Уоңқа; ағылш. Wonka) — Чарли және шоколад фабрикасы хикаятына негізделген фэнтези жанрындағы америкалық-британдық фильм-мюзикл, Уилли Уоңка және шоколад фабрикасы (1971) фильмінің приквелы. Фильмнің режиссёрі — Пол Кинг, дистрибьюторы — Warner Bros. Pictures және басты рөл сомдаған актерлері — Тимоти Шаламе, Киган-Майкл Кей, Салли Хокинс, Роуэн Аткинсон және басқалары. Фильм 2023 жылғы 15 желтоқсанда жарық көрді.

Фильм Уилли Уоңканың қалай шоколад фабрикасын ашқаны жайлы баяндайды.

• Тимоти Шаламе — Уилли Уоңка
• Киган-Майкл Кей — жемқор полиция басшысы
• Салли Хокинс — Уилли Уоңканың анасы
• Роуэн Аткинсон — жемқор шіркеу басшысы
• Оливия Колман
• Джим Картер
• Мэттью Бэйнтон (ағыл.)қаз. — Фикльгрубер
• Том Дэвис
• Саймон Фарнаби (ағыл.)қаз.
• Рич Фулчер (ағыл.)қаз.
• Кобна Холдбрук-Смит (ағыл.)қаз.
• Патерсон Джозеф — Артур Слагворт
• Хью Грант — Лофти, Уоңканың досы болатын Умпа-Лумп
• Калах Лейн
• Мэтт Лукас — Продноуз
• Колин О'Брайен — жас Уилли Уоңка
• Наташа Ротуэлл — Пайпер Бенц
• Раки Такрар (ағыл.)қаз.
• Элли Уайт (ағыл.)қаз.

2016 жылғы қазанда Warner Bros. Pictures Роалд Далдың Чарли және шоколад фабрикасы хикаятына қайта құқығын алды, Дэвид Хейман мен Майкл Сиглдың басшылығында сол хикаят негізінде жаңа фильмнің жасалып жатқаны жарияланды. 2018 жылы жоспарланған актерлер тізімінде Дональд Гловер, Райан Гослинг және Эзра Миллердің бар болғаны және фильмнің Уилли Уоңка және шоколад фабрикасының (1971) приквелы болатыны белгілі болды.

2021 жылғы қаңтарда фильм режиссерінің Пол Кинг болғаны және басты рөлді Тимоти Шаламе, не Том Холланд сомдайтыны және фильм атауының «Уоңка» (ағылш. Wonka) болатыны жарияланды. Мамыр айында рөлге Шаламе таңдалды және фильмде бірнеше музыкалық нөмірдің орын алатыны белгілі болды. Кингтің айтуынша Шаламе оның жалғыз таңдауы болған, Кинг YouTubeтан Шаламенің мектептегі актерлігін көріп, оның мюзиклге икемі бар даусы, керек хореографиялық қабілеті бар екенін көргесін Шаламені таңдағанын айтқан. Шаламеге қатысқаны үшін 9 миллион доллар берілді.

«Уоңка» фильмінің 2023 жылғы 20 қарашада Токиода арнайы тұсаукесері болды, оған режиссері Пол Кинг, продюсерлері Дэвид Хейман, Александра Дербюшир және жұлдыздары Тимоти Шаламе мен Хью Грант қатысты. Фильмнің дүние жүзі бойынша тұсаукесері 28 қарашада, Лондондағы Royal Festival Hallда орын алды, фильмнің театр тұсаукесері Ұлыбританияда 8 желтоқсанда болды. Фильм бастапқыда 17 наурыз күні жарыққа шығады деп жоспарланған еді.