Фермин Лопес

2022 жылғы 19 тамызда Лопес Барселона Атлетикпен 2024 жылға дейінгі екі жылдық кәсіби келісімшартқа қол қойып, сол мезетте 2022–23 маусымына Линарес Депортиво клубына жалға берілді. Маусымды 12 гол және 40 ойынмен аяқтап, Линарестің негізгі ойыншысы болды.

Барселонадағы маусым алды дайындық кезінде керемет өнер көрсеткеннен кейін, Лопес 2023 жылдың шілдесінде клубтың негізгі командасының маусым алдындағы құрамы қатарына шақырту алды. 2023 жылдың 29 шілдесінде, Реал Мадридке қарсы жолдастық кездесуде командасы 3:0 есебімен жеңіске жетіп, Лопестің ойындағы үлесі бір гол және бір нәтижелі пас болды. Осы ойыннан кейін Хави Лопестің 2023–24 маусымын негізгі құрамда өткізетінін растады.

2023 жылдың 27 тамызында, Лопес Барселона сапында Ла Лигадағы дебютін жасап, Вильярреал клубын сырт алаңда 4:3 есебімен жеңген ойында алаңға шықты. Екі күннен кейін, 29 тамызда, ол клубпен 2027 жылдың 30 маусымына дейін жаңа келісімшартқа қол қойды, ал оның клубтан кеті ақысы 400 миллион еуроны құрады.

10 қыркүйекте, Хавиден рұқсат алып, Барселона Атлетик командасында да ресми дебют жасады. Бірақ Химнастик де Таррагонаға қарсы 1:0 есебімен аяқталған сырт алаңдағы ойында екінші сары қағаз алып, алаңнан қуылды.

Кейін Лопес негізгі командаға қайта қосылып, 19 қыркүйекте УЕФА Чемпиондар Лигасында дебют жасады — Антверпен клубына қарсы 5:0 есебімен жеңіске жеткен топтық кезең ойынында 58-минутта Гавидің орнына шықты. Бір аптадан кейін, Мальоркаға қарсы ойында 64-минутта алаңға қосалқы ойыншы ретінде шығып, 75-минутта гол соқты. Ойын 2:2 есебімен аяқталды — бұл оның Барселона мен Ла Лигадағы алғашқы голы болды. 2023 жылдың 25 қазанында, Шахтер Донецк клубына қарсы 2:1 есебімен жеңіске жеткен Чемпиондар Лигасы матчында Лопес алғаш рет негізгі құрамда ойнап, гол соқты және матчтың үздік ойыншысы атанды.

2024 жылдың 31 қазанында Лопес Барселонамен келісімшартын 2029 жылға дейін ұзартты. 2024 жылдың 6 қарашасында Лопес УЕФА Чемпиондар Лигасындағы Црвена Звездаға қарсы 5:2 есебімен аяқталған матчта гол соқты.