Эндрю Ральф Адамсон (ағылшынша Andrew Ralph Adamson; 1966 жылы 1 желтоқсанда Оклендта туған (Жаңа Зеландия)) – Америка кинорежиссері және продюсері..
Өмірбаяны
Продюсер, режиссёр, сценарист, актёр, композитор Эндрю Адамсон 11 жасында ата-анасымен бірге Жаңа Гвинея – Папуа — Жаңа Гвинеяға қоныс аударады. 18 жасында туған жері Оклендке қайта оралады. 24 жасында Сан-Францискоға көшеді. Балалық шағында архитектор болуды армандайды. Университетке түсіп апатқа ұшырау салдарынан оқуынан шығып қалады. Кейін Калифорнияға барып, «Pacific Data Images» компаниясының бір бөлімшесінде техникалық директор бола жүріп Робином Уильямстың қатысуымен «Игрушки» (1992 жыл) және Дэнни Гловермен бірге «Ангелы у кромки поля» (1994 жыл) кртиналарының шығуына үлес қосады. Режиссер ретінде 2001 жылы жарты миллиардтай долларды жинаған толық метражды «Шрек» мультфильмінің шығуына зор ықпалын тигізеді. 2004 жылы мультфильнің екінші бөлімі «Шрэк 2» сәтті шығып, 900 миллионнан астам доллар жинайды.