Қарқара (өзен)

Қарқара
Қарқара өзенінің тау аңғары
Сипаттамасы
Ұзындығы	113 км
Су алабының ауданы	1970 км²
Су алабы	Іле
Өзендердің су алабы	Балқаш көлі
Су ағысы
Бастауы	Теріскей Алатауының солтүстік-шығыс беткейі
• Координаттары	42°46′48″ с. е. 79°17′03″ ш. б. / 42.78000° с. е. 79.28417° ш. б. / 42.78000; 79.28417 (G) (O) (Я) (T)
Сағасы	Шарын өзені
• Координаттары	43°01′46″ с. е. 79°03′32″ ш. б. / 43.02944° с. е. 79.05889° ш. б. / 43.02944; 79.05889 (G) (O) (Я)Координаттар: 43°01′46″ с. е. 79°03′32″ ш. б. / 43.02944° с. е. 79.05889° ш. б. / 43.02944; 79.05889 (G) (O) (Я) (T)
Орналасуы
Ел	Қазақстан
Аймақ	Алматы облысы Райымбек ауданы

 Басқа мағыналар үшін Қарқара деген бетті қараңыз.

Қарқара – Іле алабындағы өзен.

Алматы облысы Райымбек ауданы жерімен ағады. Ұзындығы 113 км, су жиналатын алқабы 1970 км².

Бастауын Теріскей Алатауының солтүстік-шығыс беткейлерінен басталып (Ақтас, Қақпақ, Оралма, т.б. таулардан), Тиектас тұсынан Шарын өзеніне құяды.

Қарқара өзені үлкен және құнарлы, әйгілі Каркара алқабымен ағып өтеді (биіктігі 2000 м-ден астам), мал жаюға және ауылшаруашылық дақылдарын өсіруге қолайлы жағдай жасалған, мықты климат бар. Қолайлы климаттың арқасында картоп пен бидайдан мол және тұрақты егін жиналды. Сондай-ақ, жергілікті тұрғындар жылқы және қой өсірумен айналысады.

Жалпы ұзындығы 229 км болатын 140-тан астам салалары бар. Сондай-ақ өзен алабында 22 шағын көл орналасқан. Ірі салалары: Желқарқара, Көкжар (Қазақстанда), Тұрық, Шоң, Жалаңаш (Қырғызстанда), т.б. Аңғары тар, шатқалды. Қар және бұлақ суларымен қорланады. Жылдық орташа су ағымы 11.3 м³/сек. Ағаш ағызылады, егін суарылады.