Вернер Херцог

Вернер Херцог
нем. Werner Herzog
Вернер Херцог (2009)
Жалпы мағлұмат
Туған кездегі есімі	Вернер Стипетич
Туған күні	5 қыркүйек 1942 (1942-09-05)(84 жас)
Туған жері	Мюнхен, Германия
Азаматтығы	Германия
Мамандығы	режиссёр актёр сценарийші
Белсенді жылдары	1962 — қазіргі уақыт
Марапаттары	«Күміс аю» (1968)
IMDb	ID 0001348
www.wim-wenders.com
Ортаққордағы Вернер Херцог

Вернер Херцог (нем. Werner Herzog; туған кездегі есімі — Вернер Стипетич нем. Werner Stipetić; 5 қыркүйек, 1942, Мюнхен, Германия) — неміс кинорежиссёрі, сценарийші, актер, опера режиссері және жазушы. «Жаңа неміс киносы» бағытының негізін салушылардың бірі. Оның фильмдеріне тән басты ерекшелік — орындалмас арманға ұмтылған өршіл жандар, сирек кездесетін ерекше таланты бар адамдар немесе табиғатпен арпалысқан тұлғалар туралы баяндауы. Ол өз жұмысында алдын ала сызылған кадрлар жоспарынан (сторибордтан) бас тартып, импровизацияға еркіндік береді. Сондай-ақ, түсірілім тобы мен актерлерді фильмдегі оқиғаларға барынша ұқсас шынайы, қиын жағдайларға қойып жұмыс істегенді ұнатады.

Француз кинорежиссері Франсуа Трюффо кезінде Херцогты «көзі тірі ең маңызды кинорежиссер» деп атаған. Ал америкалық киносыншы Роджер Эберт Херцог туралы: «Ол өмірінде бірде-бір жасанды, ұятты, пайдакүнемдікпен жасалған немесе қызықсыз фильм түсірген емес. Тіпті оның сәтсіз шыққан туындыларының өзі таңдай қақтырарлық», — деген пікір білдірді. 2009 жылы Time журналы оны әлемдегі ең ықпалды 100 адамның тізіміне қосты.