Музыкалы комедия – әзіл-сықақ мазмұнда құрылған музыкалы-сахналық шығарма. Ондай қойылымдарға: опера-буффа, комедиялық опера, оперетта, комедия-балет, водевиль, мюзикл, т.б. жанрлар жатады. Музыкалы комедия қатарында Қазақ драма театрының сахнасына алғаш қойылған “Айман – Шолпан” (1934) музыкалы комедиясы мен композитор С.Мұхамеджановтың “Айсұлу” (1974) операсын, т.б. шығармаларды атауға болады. Қазақстанда ұйғыр (1934), корей (1932) және Қарағанды (1973) музыкалы комедия театрлары жұмыс істейді.
