Органикалық қышқылдар

Органикалық қышқылдар – құрамында карбоксил тобы (COOH) бар органикалық қосылыстар. Көмірсутек радикалдарының табиғатына байланысты органикалық қышқылдар алифатты (қаныққан, қанықпаған), алициклді және ароматты болып бөлінеді. Молекуласындағы COOH тобының санына қарай бір, екі, көп негізді болып та ажыратылады. Көбінесе органикалық қышқылдарды карбон қышқылдары деп атайды. Мысалы, CH₃–COOH (сірке қышқылы), CH₂=CH(CH₃)–COOH (метакрил қышқылы), C₆H₆–COOH (бензоин қышқылы), HOOC–CH₂–COOH (малон қышқылы). Бұлардан басқа құрамы әртүрлі болып келетін органикалық қышқылдар кездеседі. Мысалы, SH қышқылдарға метилтиолды (CH₃–SH), CH қышқылдарға ацетиленді, NH қышқылдарға сірке қышқылының амидін (CH₃–C(NH₂)=O), т.б. жатқызуға болады.