Матай жотасы – Жетісу (Жоңғар) Алатауының қиыр оңтүстік шетіндегі жоталар тобы. Оңтүстік-батысында Шолақ тауымен, солтүстік-шығысында Алтынемел жотасымен шектеседі. Ол ендік бойымен 40-45 км-ге созылып жатыр.
| Матай жотасы | |
| Сипаттамасы | |
|---|---|
| Тау жүйесі | |
| Пайда болған кезеңі | Палеозой |
| Ұзындығы | 40-45 км |
| Биіктігі | 2880 м |
| Орналасуы | |
| 44°09′55″ с. е. 78°26′46″ ш. б. / 44.16528° с. е. 78.44611° ш. б. (G) (O) (Я)Координаттар: 44°09′55″ с. е. 78°26′46″ ш. б. / 44.16528° с. е. 78.44611° ш. б. (G) (O) (Я) | |
| Елдер |
|
| | |
| | |
Жер бедері
Матай жотасының сілемдерінің жер бедері күрделі, солтүстік-батыс беткейінде тік шатқалдар көп, ал оңтүстік-шығыс беткейі біртіндеп жазыққа ұласады. Одан көптеген өзендер бастау алады, ең биік жері 2880 м, батыстан шығысқа қарай Көтексу, Сеперлі, Алтынемел асулары орналасқан, олардан қыс мезгілінде өту қиын.
Геологиялық құрылымы
Жота палеозой кезеңінің герцин тау түзілу кезеңінде пайда болған.
Климаты, топырағы мен өсімдігі
Климаты тым континенттік. Жылдық жауын-шашын мөлшері 500-750 мм. Етегіндегі тау алды шөлейтінің бозғылт қоңыр топырағы тау басына қарай қызыл қоңыр, күңгірт қоңыр, қара қоңыр топырақ жамылғысына ауысады. Тау баурайында жусан, изен,бетеге, селеу, 1000 — 1200 м биіктікте тянь-шаньдық шалғын шөп өседі.