Таймас Бектасұлы (1795–1870) — қазақ батыры. Қареке-Тайжан-Тоқбура ұрпағы. 1834–1852 жылдары Қареке-Алтай болысын басқарған. Кенесары ханның жанында елеулі рөл атқарған және оның әскери мәселелер бойынша ең жақын кеңесшілерінің бірі болған. Ол туралы Ілияс Есенберлиннің «Каһар» романында көп деректер келтірілген. Кенесары хан болғаннан бері, теқ Абылайдың ала туын өзінің жасыл туына айырбастағаны болмаса, көбіне ата дәстүрін берік ұстауға тырысқан. Таймас Арғын руынан болғандықтан, оны Маймене (ханның он қолы), өзінің немере інісі Әбілғазыны, нағашы жағынан Қыпшақ болғандыктан. Майсара (ханның сол қолы) еткен. Бұл екеуі қай жерде жүрсе де осы тәртіпті бұзбаған. Батырды Хан Кене қатты сыйлап, жақсы көрген. Сол уақыттағы ресми үкімет құжаттарында бұл туралы былай делінген: «Ол Кенесарыдан бір елі қалмайтын және орыс отрядтарына шабуыл жасаған сайын, істің басықасында болып, орыстарға қалай қарсы тұру керек екенің айтып, Кенесарыға көбінесе жөн-жоба көрсетіп отырды, сонысы үшін Кенесары оны жақсы көретін және онымен біртабақтағы тамақты бөліп жеген».
Таймас Бектасұлы (1795–1870) — қазақ батыры. Қареке-Тайжан-Тоқбура ұрпағы. 1834–1852 жылдары Қареке-Алтай болысын басқарған. Кенесары ханның жанында елеулі рөл