Енисей шығанағы — Солтүстік мұзды мұхиттың Қара теңізіне Енисей өзенінің құятын шығанағы. Мұхиттың басқа шығанақтарынан айырмашылығы - ол ұзын (ұз. 225 км), әрі тар. Шығанаққа кірер маңындағы ені 150 км-ге жетеді. Суының тереңдігі 5-20 м. Су деңгейінің жарты тәуліктік толысуы 0,4 м. Шығанаққа Енисейден басқа бірнеше кіші өзендер (Үлкен және Кіші Хета, Танаша) құяды. Суы жаз айларында 8-12 C-қа дейін жылиды. Қыркүйек айынан бастап жағалауын мұз басып, маусым айында ғана ериді. Енисей өзені сағасында шығанақ суының тұздылығы 3-10%-ті құрайды. Енисей шығанағының балық және теңіз жануарларын аулауда жергілікті халық үшін елеулі орны бар. Шығанақ Қиыр Солтүстік халықтарын керекті тауарлармен қамтамасыз етеді. Енисей шығанағының шығыс жағалауында Диксон порты орналасқан. Енисей өзенінің ірі порттары - Дудинка және Игарка қалаларына баратын теңіз жолы да осы шығанақ арқылы өтеді.
| Енисей шығанағы | |
 | |
| Енисей шығанағының орналасуы | |
| Сипаттамасы | |
|---|---|
| Түрі | Шығанақ |
| Жағалау сызығының ұзындығы | 225 км |
| Тереңдігі | 20 м |
| Орналасуы | |
| 72°14′00″ с. е. 80°45′00″ ш. б. / 72.2333° с. е. 80.75° ш. б. (G) (O) (Я)Координаттар: 72°14′00″ с. е. 80°45′00″ ш. б. / 72.2333° с. е. 80.75° ш. б. (G) (O) (Я) | |
| Өзінен жоғары акватория | Кара теңізі |
| Ел |  Ресей |
| Аймақ | Краснодар өлкесі |
