Қастек жотасы

Қастек жотасы
Сипаттамасы
Тау жүйесі	Іле Алатауы
Пайда болған кезеңі	тас көмір
Ұзындығы	60 км
Ені	25 км
Биіктігі	2782 м
Орналасуы
42°54′36″ с. е. 75°32′33″ ш. б. / 42.91000° с. е. 75.54250° ш. б. / 42.91000; 75.54250 (G) (O) (Я)Координаттар: 42°54′36″ с. е. 75°32′33″ ш. б. / 42.91000° с. е. 75.54250° ш. б. / 42.91000; 75.54250 (G) (O) (Я) (T)
Елдер	Қазақстан, Алматы облысы Жамбыл ауданы Қырғызстан аумағына қарасты жер
Қастек жотасы
Қастек жотасы

 Басқа мағыналар үшін Қастек деген бетті қараңыз.

Қастек жотасы – Іле Алатауының батысындағы жота.

Алматы облысы Жамбыл ауданы Қырғызстан аумағына қарасты жерде орналасқан. Абсолюттік биіктігі 2782 м. Батыстан шығысқа қарай ендік бағытта 60 км-ге созылған, енді жері 25 км.

Негізінен тас көмір кезеңінен кристалдық тақтатасынан, гнейстен, кей бір тұсында жер бетінде шығып жатқан гранитоидтардан түзілген.

Жер бедері орта таулық, жалдары тегістелген, беткейлері тік, сай-жыралармен тілімденген. Шу-Іле өзендерінің суайырығы саналатын жотаның баурайынан Қастек, Қарақастек, Қарақоңыз және т.б. өзендер бастау алады.

Жотада бірнеше ландшафтық-климаттық белдеулер байқалады:

• тауалдының далалық қоңыр топырақты белдеуінде (800-1400 м) бидайық, тарғақшөп, бозшағыл, т.б. шөптесіндер өседі;
• 1400-2600 м биіктіктегі шалғынды қара топырақты жерлерінде сирек орман өседі;
• үстіртті-жонды белдеуінде (2600 м-дей биіктікте) доңызот, самалдық, байғұт, субальпілік шалғын өскен.

Жетіжол жотасының аралығында Жаңа Қастек асуы өтеді. Баурайы мал жайылымына пайдаланылады.