Қарынсалды (өзен)

Қарынсалды өзені
Қарынсалды аулының тұсындағы арнасы. Қараша, 2019
Сипаттамасы
Ұзындығы	94 км
Су алабының ауданы	1750 км²
Су ағысы
Бастауы	Державинск қаласынан оңтүстікте 17 км
• Координаттары	50°50′13″ с. е. 66°22′14″ ш. б. / 50.83694° с. е. 66.37056° ш. б. / 50.83694; 66.37056 (G) (O) (Я) (T)
Сағасы	Жалдама
• Координаттары	50°25′31″ с. е. 65°39′46″ ш. б. / 50.42528° с. е. 65.66278° ш. б. / 50.42528; 65.66278 (G) (O) (Я)Координаттар: 50°25′31″ с. е. 65°39′46″ ш. б. / 50.42528° с. е. 65.66278° ш. б. / 50.42528; 65.66278 (G) (O) (Я) (T)
Орналасуы
Ел	Қазақстан
Аймақ	Ақмола облысы, Қостанай облысы

Қарынсалды – Ақмола облысының Жарқайың ауданы және Қостанай облысының Арқалық қалалық әкімдігіне қарасты жерлердегі Торғай су алабындағы өзен. Ұзындығы 94 км, су жиналатын алабы 1750 км².

Қарынсалды Державинск қаласынан оңтүстікте 17 км-дей жердегі жазық далалардағы бұлақтан басталады. Терең жыралармен батысқа қарай ағып, Қарынсалды аулының тұсынан өткен соң оңтүстікке бұрылады. Ірілі-ұсақты оншақты саласы бар, ең ірісі Бұтақсай өзені. Ол салалардың бірнешеуі жаз айларында құрғап қалады. Амантоғай ауылының тұсында Ащытасты өзені қосылып, ары қарай Жалдама өзені басталады.

Жағасында елді мекендер көп емес, Тасты ауылдық округіне қарасты Қарынсалды, Горняк ауылдары мен Қаражар қыстағы орналасқан.

Аңғары көлбеу, ені жоғарғы бөлігінде 8 – 10 м, төмен бөлігінде 0,9 – 1,8 км-ге дейін кеңейеді. Арнасы тік жарлы, биіктігі 2 – 6 м. Қар, жер асты суымен толығады. Көп жылдық орташа су ағымы Қаражар ауылының тұсында 1,60 м³/с. Суы мал суарға пайдаланылады.