Медициналық жәрдем, жарақаттанғандардың, аурулардың өмірін және олардың денсаулығын жылдам қалпына келтіру мақсатында жүргізілетін емдеу-сақтандыру іс-шараларының кешені. М.ж. мына түрлерге бөлінеді: алғашқы оқиға болған, жарақат алған жерде өзіндік көмек (өзара көмек) немесе кіші медициналық қызметкерінің көмегі: дәрігерге дейінгі көмек – әдетте бөлімшедегі орта медициналық қызметкердің көрсеткен көмегі; алғашқы дәрігерлік – бөлімдегі жалпы тәжірибедегі дәрігердің көмегі; білікті дәрігерлік көмек – хирургтар мен терапевтердің бөлімдегі және медициналық қызмет мекемелеріндегі көмектері; арнайы мамандандырылған көмек (нейрохирургтық, офтальмалогтық, оториноларингологтық, стаматологтық және т.б.) ауруханада арнайы дәрігер мамандардың көрсеткен көмегі.