Қарынжарық құмы

Қарынжарық құмы
Сипаттамасы
Ұзындығы	130, 160 км
Ені	24, 40 км
Ауданы	2000 км²
Орналасуы
42°27′59″ с. е. 53°46′42″ ш. б. / 42.466255° с. е. 53.778418° ш. б. / 42.466255; 53.778418 (G) (O) (Я)Координаттар: 42°27′59″ с. е. 53°46′42″ ш. б. / 42.466255° с. е. 53.778418° ш. б. / 42.466255; 53.778418 (G) (O) (Я) (T)
Ел	Қазақстан
Аймақ	Маңғыстау облысы
Орналасуы	Маңғыстау түбегі мен Үстірт аралығы
Қарынжарық құмы
Қарынжарық құмы

 Басқа мағыналар үшін Қарынжарық деген бетті қараңыз.

Қарынжарық – Маңғыстау түбегі мен Үстірт аралығындағы құмды алқап.

Маңғыстау облысының Қарақия ауданындағы жерінде орналасқан.

Солтүстіктен оңтүстік-батысқа қарай 130 – 160 км-ге созылған, ені 24 – 40 км. Ауданы 2 мың км². Негізгі жыныстарының мүжіліп, үгілуінен қалыптасқан құмды төбелердің биіктігі кейде 5 – 15 м-ге жетеді. Кей жері тақырға, сортаңға, сорға айналған. Шығысын бойлай теңіз деңгейінен 52 м төмен жатқан Кендірлі соры мен Қарынжарық ойысы орналасқан.

Климаты континенттік, қаңтар айының орташа температурасы –5 – 6°С, шілдеде 27°С. Жауын-шашын мөлшері 120 – 150 мм шамасында. 3 – 7 м тереңдікте минералды грунт сулары бар.

Шығысы құмды саздақтардан құралған аллювийлік жазық. Мұнда жусан, сораң өседі. Батысының жері дөңестеу, онда баялыш, жусан, жүзгін, күйреуік, ақ сексеуіл өседі. Солтүстігінде ойыс Қарабауыр жонына ұштасады. Мал жайылымы.