Атомдық масса - атомдық салмақ—химиялық элемент атомы массасының салыстырмалы бірлікпен көрсетілген орташа мәні. Ол осы элемент атом массасының көміртек атом массасының 1/12 бөлігінен неше есе артық екенін көрсетеді. Орыс ғалымы Дмитрий Менделеев (1934 – 1907) элементтердің периодтық жүйесінде элементтің негізгі сипаттамасы ретінде атомдық массаны алған.
Атомдық масса — мөлшерсіз шама. Ол Ar белгісімен таңбаланады (“r” — индексі ағылш. relatіve — салыстырмалы). Атомдық массаның көміртектік шкаласын 1961 жылы Монреальда химиктердің халықаралық одағы қабылдаған. Оған дейін атомдық өлшем бірлігі болып оттегі атомы массасының 1/16 бөлігі алынып келді, бірақ оның үш изотопы болғандықтан қолайсыз деп табылды.