Грайндхаус (фильм)

	Грайндхаус
	Grindhouse
Жанры	хоррор; триллер; атыс-шабыс фильм
Режиссёрі	Квентин Тарантино; Роберт Родригес
Продюсері	Элизабет Авеллан; Квентин Тарантино; Роберт Родригес
Сценарийдің авторы	Квентин Тарантино; Роберт Родригес
Басты рөлдерде	Роуз Макгоуэн; Фредди Родригес; Курт Рассел; Зои Белл
Операторы	Квентин Тарантино; Роберт Родригес
Сазгері	Грэм Ревелл; Роберт Родригес
Кинокомпания	Dimension Films
Ұзақтығы	191 мин.
Бюджеті	53 млн. $
Кассалық түсімі	25 млн $
Мемлекет	АҚШ
Тілі	ағылшынша
Шыққан жылы	2007
IMDb	ID 0462322
	http://www.grindhousemovie.net Ортаққордағы Грайндхаус

Грайндхаус (ағылш. Grindhouse) — режиссерлер Квентин Тарантино және Роберт Родригестің бірлескен жобасы.

Құрылымы

«Грайндхаус» Тарантиноның «Өлімнен қорғалған» (Death Proof), Родригестің «Қорқыныш планетасы» (Planet Terror) фильмдерінен және түсірілмеген фильмдердің трейлерінен тұрады. Бірнеше жылдан кейін Родригес «Мачете» трейлерін толықметражды фильмге дейін кеңейткен. «Өлімнен қорғалған» және «Қорқыныш планетасы» бір-бірінен тәуелсіз сюжетпен түсірілгеніне қарамастан, олар бірнеше ортақ кездерімен байланысқан.

Стилистикасы

Грайндхаус — бұл Б-категориялы фильмдерді көрсетумен мамандандырылған кинотеатр. Сондай кинотеатрлар АҚШ-та 70-шы жылдарда үлкен сұранысқа ие болды. Бұл уақыт эксплойтейшн жанрындағы фильмердің есею дәуірі болатын. Эксплойтейшн жанры Тарантино мен Родригестің режиссерлік стилі қалыптастыруына үлкен әсер етті және екеуі де осы жанрдың үлкен табынушылары болып табылады. Сондықтан екі фильмі де төмен бюджетті кино эстетикасын ұстануға тырысты.

Прокат

67 миллион бюджеті бар «Грайндхаус», америкада кассалық жинақтары 25 миллионға дейін әзер жетті. Ондай сәтсіздіктен кейін фильм продюссерлері ағайынды Вайнштейндер «Грайндхаусты» бөліп, әр бөлігін жеке шығару туралы шешім қабылдады. Тарантино мен Родригес өз фильмдерін қайта құрастырып, екі сағаттық форматқа дейін кеңейткеннен кейін «Грайндхаус» европалық прокатта бөлініп көрсетілді.
Бірақ қаржылық сәтсіздік сыншылар арасында жоғары бағаға ие болуына кедергі жасамаған. «Өлімнен қорғалған» фильмінің «Канн кинофестивалінің» негізгі конкурстық бағдарламасына енуі осыған дәлел.