Гумбольдт сыйлығы

Гумбольдт сыйлығы
нем. Humboldt-Forschungspreis
Бонндағы Александр фон Гумбольдт қорының ғимараты
Жалпы мәліметтер
Мемлекет	Германия
Марапат не үшін	Әлемдік ғылымға қосқан іргелі үлесі мен ашқан жаңалықтары үшін
Құрылтайшы	Александр фон Гумбольдт қоры
Негізі қаланды	1972 жыл
Марапаттау саны	Жыл сайын 100-ге дейін марапат беріледі
Салтанатты рәсім мәліметтері
Уақыты	Жыл сайын (наурыз және қазан айларында талқыланады)
Өткізілу орны	Германия университеттері мен ғылыми орталықтары
Ресми сайт	humboldt-foundation.de Ресми сайт

Гумбольдт сыйлығы (нем. Humboldt-Forschungspreis, ағылш. Humboldt Research Award) — Германияның Александр фон Гумбольдт қоры (нем. Alexander von Humboldt-Stiftung) тарапынан шетелдік ғалымдарға берілетін халықаралық марапат. Сыйлық әртүрлі елдердің жоғары білікті зерттеушілеріне Германия ғалымдарымен бірлесе отырып, өз қалауы бойынша ұзақмерзімді ғылыми жобалармен айналысуға мүмкіндік береді. Сыйлықтың көлемі 60 000 еуроны құрайды (кейінгі бағдарламаларда 80 000 еуроға дейін ұлғайтылған). Жыл сайын (наурыз және қазан айларында) ғылымның әртүрлі салалары бойынша 100-ге дейін сыйлық тағайындалады, ал марапаттау рәсімі Германия университеттерінің бірінде өтеді. Үміткерлердің кандидатураларын тек Германияның танымал және беделді ғалымдары ғана ұсына алады, өздігінен өтініш беруге рұқсат етілмейді.

Сондай-ақ, Александр фон Гумбольдт қоры постдокторанттар (postdocs) мен тәжірибелі зерттеушілерге Германияда ғылыми-зерттеу жобаларын жүзеге асыру үшін Гумбольдт стипендиясын (нем. Humboldt-Forschungsstipendium) береді. Бұл стипендияның көлемі айына шамамен 3 000 еуроны құрайды және 24 айға дейінгі мерзімге тағайындалады.

Гумбольдт қорының 2022 жылғы мамырдағы ресми мәліметтеріне сәйкес, бұл сыйлықты әлем бойынша 2 212 ғалым иеленген. Лауреаттардың жартысынан астамы (1 234 адам) Америка Құрама Штаттарының университеттері мен ғылыми орталықтарынан келген зерттеушілер. Ал Ресей Федерациясының ғылыми ұйымдарының атынан 57 ғалым осы мәртебелі сыйлықтың лауреаты атанған.

• Александр Гумбольд
• Александр фон Гумбольдт қоры