Джеймс Чедвик

Джеймс Чедвик(Chadwick) (20.10.1891, Манчестер,-24.7.1974)-ағылшын физигі, Лондон корольдық қоғамының мүшесі (1927). Э.Резеорфордтың оқушысы.

Манчестер және Кембридж университеттерін бітірген. 1923-1935 ж. Кембридж университетінде сабақ берді. Кавендиш лабораториясы директорының орынбасары болды. 1935-1948 ж. Ливерпуль университетініе профессоры. 1948 жылдан Кембридж университетінің Гонвил және Киз колледжінің директоры.

Чедвиктің еңбектері негізінен атом ядросы физикасына арналған. Ол 1920 ж. платина, күміс және мыс ядроларының α-бөлшекті шашыратуын бақылады. Мұның нәтижесінде Чедвик ядролардың зарядын тікелей өлшеді. Сөйтіп атомның Резерфорд жасаған теориясын дәлелдеп берді. Чедвик 1932 ж. нейтронды ашып, 1934-1935 ж оның массасының дәлірек мәнін анықтады. 1943-1945 ж . Лос-Аламос (АҚШ) лабораториясында атом бомбасының жобасын жасау жұмысымен айналысқан ғалымдар тобын басқарды.

Нобель сыйлығының лауреаты (1935).

• Қазақ Совет энциклопедиясы, 1978 жыл, Алматы,12 том, 100-101 бет

1926—1950 жылдардағы Физика саласындағы Нобель сыйлығының иегерлері Перрен (1926) • Комптон / Вильсон (1927) • Ричардсон (1928) • де Бройль (1929) • Раман (1930) • Гейзенберг (1932) • Шредингер / Дирак (1933) • Чедвик (1935) • Гесс / К. Андерсон (1936) • Дэвиссон / Томсон (1937) • Ферми (1938) • Лоуренс (1939) • Штерн (1943) • Раби (1944) • Паули (1945) • Бриджмен (1946) • Эплтон (1947) • Блэкетт (1948) • Юкава (1949) • Пауэлл (1950) Толық тізім | 1901—1925 | 1926—1950 | 1951—1975 | 1976—2000 | 2001—ден бері