Дин Мартин

Дин Мартин ағылш. Dean Martin
Студиялық фотосурет, 1948 жыл
Негізгі ақпарат
Туған кездегі есімі	Дино Пол Крочетти
Толық аты	ағылш. Dino Paul Crocetti
Туған күні	7 маусым 1917 (1917-06-07)
Туған жері	Стьюбенвилл, Огайо, АҚШ
Қайтыс болған күні	25 желтоқсан 1995 (1995-12-25)(78 жас)
Қайтыс болған жері	Беверли-Хиллз, Калифорния, АҚШ
Белсенділік жылдары	1939–1991
Мемлекет	АҚШ
Мамандықтары	әнші, актёр, комик, продюсер
Дауыс түрі	баритон
Аспаптары	вокал
Жанрлары	биг-бэнд, жеңіл музыка, поп-музыка, кантри
Лақап аттары	Dean Martin, The King of Cool, Dino, Dino Martini
Ұжымдары	The Rat Pack
Лейблдері	Capitol, Reprise, MGM, EMI Records
Марапаттары	«Голливуд даңқ аллеясының жұлдызы»
Ресми сайты
Дин Мартин

Дин Мартин (ағылш. Dean Martin, туған кездегі аты — Дино Пол Крочетти ағылш. Dino Paul Crocetti; 7 маусым 1917(19170607), Стьюбенвилл, Огайо — 25 желтоқсан 1995, Беверли-Хиллз, Калифорния) — америкалық әнші, актер, комик және тележүргізуші. «Салқындар королі» («The King of Cool») атанып кеткен ол 20 ғасырдың ең танымал эстрада жұлдыздарының бірі ретінде мойындалған.

Мартин өзінің алғашқы үлкен жетістігіне 1946 жылы комик Джерри Льюиспен бірге «Мартин және Льюис» дуэті арқылы қол жеткізді. Олар түнгі клубтарда өнер көрсетіп, кейін радио, телевидение және кино салаларында жиі бой көрсетті. 1956 жылы бұл серіктестік жанжалмен аяқталғаннан кейін, Мартин жеке әнші және актер ретіндегі мансабын жалғастырды. Ол заманауи әндермен қатар, «Үлкен америкалық ән кітабының» классикалық туындыларын орындап, танымал әншіге айналды. Мартин Лас-Вегастағы ең сұранысқа ие әртістердің бірі болды және басқа да өнер иелері — Фрэнк Синатра мен Сэмми Дэвиспен достығымен танымал еді, олар кейін басқа да әртістермен бірігіп «Рат Пэк» (Rat Pack) тобын құрды.

1965 жылдан бастап Мартин «Дин Мартин шоуы» атты теледидарлық эстрадалық бағдарламаны жүргізді. Бұл шоу Мартиннің әншілік және комедиялық талантына негізделіп, оның өзіне тән жайбарақат, еркін мінезімен ерекшеленді. 1974–1984 жылдары Мартин атақты тұлғаларды, комиктер мен саясаткерлерді жинайтын «Дин Мартиннің жұлдызды мазағы» (The Dean Martin Celebrity Roast) танымал шоуының жүргізушісі (роастмастер) болды. Өз мансабында Мартин концерттік сахналарда, түнгі клубтарда өнер көрсетіп, аудиожазбалар жасады, 85 фильм мен тележобаға түсті және тек Америка Құрама Штаттарының өзінде 12 миллион, ал дүние жүзі бойынша 50 миллионнан астам пластинка сатты. Дин Мартиннің ең танымал әндеріне «Ain't That a Kick in the Head?», «Memories Are Made of This», «That's Amore», «Everybody Loves Somebody», «You're Nobody till Somebody Loves You», «Sway» және «Volare» жатады.

1917 жылы 7-маусымда АҚШ-тың Стьюбенвилл жерінде итальяндық иммигранттар Гаэтано мен Анджела Крочетти отбасында дүниеге келген. Дин бала кезінен еңбексүйгіш болған. Ата-анасына көмектескен. 1920 жылдардың басында Стьбенвиллде қылмыс жасау дәрежесі күрт өскендіктен қаланы «Кішкентай Чикаго» деп атаған. Мартин осыған төтеп бере алмады. Жас кезінде Мартин Джимми Грекпен, Сэмми Дэвиспен көрші тұрған. Мартин отбасында екінші әрі кенже бала болған. Ол тек итальян тілінде сөйлеген. Сондықтан 5 жасында мектепке бармады. Болашақ актер әрі әнші болатын Мартин әрқашан ағылшын тілін білмейтінін мойындап, ұялатын.

Жасөспірім шағында музыкаға қызығып, ұрмалы аспаптарда ойнай бастаған. Сыныптастарының оның ағылшын тілін білмеуінен кемсітіп, Дин мектепте толық бітірмеген. Алайда, кейбір деректерде ол орташа білім алған деп жазылған.

Жас кезінде бокспен айналысқан. 16 жасында екінші орта салмақтағы боксер болған.

20 жасына таман Мартин спортты тастап, музыкалық топтарда өнерін көрсете бастайды. Алғаш рет Кливлендте Эрни Маккейдің басқаруымен оркестрде өнер көрсетеді. Гарри Миллзаның көмегімен ән айтады. 1940 жылдарға қарай Сэмми Уоткинстың оркестрімен өнер көрсетеді.

1941 жылы Мартин Элизабет Энн Макдональдқа үйленеді. Осы неке 1949 жылы ажырасумен аяқталады. Элизабет Энн алкоголизммен азап шеккен. Алайда, олардың 4 баласы болған. 1943 жылы Мартин Нью-Йоркке көшіп келеді. «Riobamba» клубында ән айтып жүріп, Фрэнк Синатрамен танысады. 1944 жылдары Екінші Дүниежүзілік соғыс кезінде Дин «Дин Мартиннің әндері» бағдарламасының радиожүргізушісі болып жүреді.

1955 жылы 25-желтоқсанда Калифорния штатындағы Беверли-Хиллз жерінде қайтыс болған.

Дин Мартиннің алғашқы басты рөлдері - «Жас арыстандар» атты әскери драмада болған. Фрэнк Синатрамен «И подбежали они» атты шығармада басты рөл ойнайды.