Дэнни Бойл

Дэнни Бойл
ағылш. Danny Boyle
Дэнни Бойл (2019)
Жалпы мағлұмат
Туған кездегі есімі	Дэниел Фрэнсис Бойл
Туған күні	20 қазан 1956 (1956-10-20)(69 жас)
Туған жері	Манчестер, Ұлыбритания
Азаматтығы	Ұлыбритания
Мамандығы	режиссёр сценарийші кинопродюсер
Белсенді жылдары	1980 — қазіргі уақыт
Марапаттары	«Оскар» (2009) «Алтын глобус» (2009) «BAFTA» (1995, 1997, 2009, 2017)
IMDb	ID 0000965
Ортаққордағы Дэнни Бойл

Дэниел Фрэнсис Бойл (ағылш. Daniel Francis Boyle; 20 қазан 1956, Манчестер, Ұлыбритания) — британдық кинорежиссёр, сценарийші және кинопродюсер. Британ кино институты (BFI) оны «жанрларды шебер құбылтатын және қандай тақырыпты қолға алса да, өзіндік қолтаңбасын қалдыра білетін ең серпінді әрі болжап болмайтын британдық режиссерлердің бірі» деп сипаттайды.

Оның алғашқы туындысы — «Таяз қабір» (1994) картинасы «Үздік британдық фильм» номинациясында BAFTA сыйлығын иеленді. Ал одан кейін жарық көрген «Ине ұшында» (1996) фильмін Британ кино институты XX ғасырдағы ең ұлы британдық фильмдердің ондығына қосты. Режиссердің соңғы онжылдықтағы ең табысты британдық киножобасына айналған «Лашықтан шыққан миллионер» (2008) криминалдық драмасы он «Оскар» номинациясына ұсынылып, сегізін жеңіп алды, соның ішінде «Үздік режиссер» жүлдесі де бар. Осы еңбегі үшін ол «Алтын глобус» және BAFTA марапаттарын да қанжығасына байлады. Кейінірек Бойл адамның өмірге деген құштарлығын суреттейтін «127 сағат» (2010) драмасының сценарийін жазып, продюсерлік еткені үшін тағы екі мәрте «Оскарға» ұсынылды.

Бойлдың өзге де танымал туындыларының қатарында «Жағажай» (2000), «28 күннен кейін» (2002) блокбастері мен оның жалғасы «28 жылдан кейін» (2025), сондай-ақ «Күн сәулесі» (2007), «Стив Джобс» (2015), «Т2 Трейнспоттинг» (2017) және «Yesterday» (2019) туындылары бар. Бұдан бөлек, Бойл Лондонда өткен 2012 жылғы Жазғы Олимпиада ойындарының ашылу салтанатында бас көркемдік жетекші (режиссер) қызметін атқарды.