Жаркент уезі — Жетісу және Сырдария облыстарын басқару жөніндегі патша үкіметінің "Уақытша ережесі" бойынша Жетісу облысында 1891 ж. құрылған әкімшілік бөлік. Уезде алғашқы кезде 11 болыс, ал 1910 ж. 17 болыс болды. Жер аумағы 332 832 десятина. Халқы 157 210 адам, оның 25 231-і қалада, 131979 адамы ауылдық жерлерде тұрды. Уезд бойынша орыстар 8,5%, қазақтар 57,3%, ұйғырлар 26,3%, баска ұлттар 7,9% болған. 1918 ж. Казақстанда Кеңес өкіметі орнағаннан кейін, Жаркент уезі таратылып, Жетісу облысына қосылды.
Бөлінуі
1924 жылы Жаркент уезінде 8 болыс болды:
- Ақтоғай болысы, орталығы — Жалаңаш ауылы.
- Баянкөл болысы, орталығы — Нарынқол ауылы.
- Беркетмен болысы, орталығы — Беркетмен ауылы.
- Интифак болысы, орталығы — Подгорнесская ауылы.
- Коңыр — Үлен болысы, орталығы — Көңыр — Үлен ауылы.
- Тортыл болысы, орталығы — Жаркент қаласы.
- Тұзкөл болысы, орталығы — Қарасаз ауылы.
- Өсек болысы, орталығы — Қосташ ауылы.