Корольдік пингвин (королевский пингвин), қоршаукөз пингвині (пингвин Адели), галапагостық пингвин. Пингвиндердің ең ірісі - император пингвині (биіктігі 110 - 120см,салмағы 45 кг).

Пингвиндер оңтүстік жарты шарда ғана таралған, әсіресе Антарктида жағалауында көптеп кездеседі. Ұяларын теңіз жағалауында, тасты жерлерде салады.

•Алдыңғы аяқтары қанат емес, ескек болып келеді. Сол ескек аяқтарының көмегімен суда жақсы жүзеді және жақсы сүңгиді. Сондықтан ұша алмайды, құрлықта теңселіп әрең қозғалады. •Төс сүйегінің қыры жақсы жетілген. Ондағы бұлшық еттер ескек аяқтарын қозғалысқа келтіреді. •Аяқтары қысқа, жарғақты, әрі тұлғасының артқы жағында орналасқандықтан денесін тік ұстайды. •Көптеген түрлерде құрсақта тері қатпарлы қалта бар.