Құрманбаева Зағи (1.6. 1903, Қарасай ауданы - 14.7.1975, Алматы қаласы) — актер, Қазақстанның еңбек сіңірген әртісі (1945). Өнер жолын көркемөнерпаздар үйірмесінен бастады. 1932 ж.
Қазақ драма театрының (Алматы) құрамына қабылданды. Осы театр сахнасында алғашқы ойнаған рөлі — І. Жансүгіровтің "Кегіндегі" Үндемес. Ол — қазақ сахнасында негізінен аналар бейнесінің галереясын жасаған, өткір мінезді, тұрмыстық жанрдағы актер. Негізгі рөлдері:
- Ділда, Аналық, Зере (М.Әуезовтің "Түнгі сарыны", "Қара қыпшақ Қобыланды" және "Абайында" (соңғысы инсценировка бойынша),
- Дәмелі, Күнікей (Ғ.Мүсіреповтің "Ақан сері— Ақтоқтысы" мен "Қозы Көрпеш-Баян сұлуында"),
- Рабиға (Ә.Әбішевтің "Бір семьясында"), т.б. 1957 жылдан киноға түскен.
Қазақ драма театрында 1959 жылға дейін қызмет етті.