Иньяки Пенья

Аликанте қаласында дүниеге келген Пенья 2004 жылы, бес жасында, Аликанте футбол клубының жасөспірімдер құрамында өзінің мансабын бастады. 2012 жылы, 13 жасында, ол Вильярреал футбол клубынан [[Барселона (футбол клубы)|Барселонаға қосылды. Иньяки Пенья 2017-18 UEFA Жастар Лигасын жеңген команданың құрамында болды.

2018 жылдың 16 сәуірінде Пенья Барселонамен келісімшартын үш маусымға созды. 2018-19 маусымын ол Сегундада Барселона B командасында бастады.

2018 жылдың 30 қазанында Пенья алғаш рет негізгі құрамға Испания кубогының 1/32 финалында Культураль Леонеса клубына қарсы ойында шақырылды, бірақ ол ойын барысында алаңға шықпады. Сондай-ақ, ол осы маусымда Яспер Силлессен мен негізгі қақпашы Марк-Андре тер Штеген жарақат алған кезде бірнеше рет қосалқы құрамға қосылды.

2022 жылдың 31 қаңтарында Иньяки Пенья маусымның соңына дейін Галатасарайға жалға берілді. 6 ақпанда, бұрынғы Барселона көмекшісі Доменек Торрентің жетекшілігімен, ол Сүпер Лигада Аланьяспорға қарсы 1–1 есебімен тең ойында дебютін жасады. Иньяки Пенья Галатасарай құрамында 6 ойын өткізді.

Иньяки Пенья жалдау келісімшартының мерзімі аяқталған соң, Барселонаға қайта оралып, 2022 жылдың 1 қарашасында УЕФА Чемпиондар Лигасында Виктория Пльзень клубына қарсы 4-2 есебімен сырт алаңда жеңіске жеткен ойында ресми түрде бірінші құрамда дебют жасады.

2023 жылдың 3 қаңтарында Пенья бірінші команда ойыншысы ретінде тіркеліп, Борнмут футбол клубына ауысқан Нетоның орнына бос қалған 13-ші нөмірлі футболкаға ие болды.

2023 жылдың 9 мамырында Пенья Барселонамен келісімшартты ұзартып, 2026 жылға дейін клубта қалатынын мәлімдеді.