Кеңесжан Шалқаров (12.4.1939 жылы туған, ҚХР, Тарбағатай аймағы) — жазушы, Қазақстан,Қазақстан жазушылар одағының мүшесі.
Абақ Керей тайпасының Жастабан руынан шыққан.
Абай атындағы ҚазПИ-ді бітірген (1965). Республикалық Қазақ радиосында, баспа редакцияларында, "Жетісу" газетінде әр түрлі қызмет істеді. "Ғылым" баспасында редактор болды. Мұстай Кәрім, Д.Кугультинов, Г.Абашидзе және жапон, моңғол, өзбек, ұйғыр ақындарының өлеңдерін қазақ тіліне аударған. "Шуақ" (1967), "Сәске сыры" (1972), "Ақ сапар" (1975) және т.б. өлең жинақтары жарық көрген.
Марапаттары
Халықаралық "Алаш" сыйлығының лауреаты "Зауал-заман" дилогиясы үшін. 23 қаңтар 2012 жыл. Алматы қаласы. Қазақстан Жазушылар одағы.
Төлеужан Ысмайыловтың 80 жылдық мерей тойына арналған "Мәңгілік жас рухым - өлеңдерім!..." атты республикалық жыр мүшайырасына Арқат Атамекен деген бүркеншік атпен қатысқан. Арнаулы жүлдемен марапатталады. "Абыралы - Дегелең" қоғамдық қоры, Шығыс Қазақстан облысы Семей қалалық әкімдігі, Қазақстан Жазушылар Одағы, Шәкәрім атындағы Семей мемлекттік университеті. Арнайы Диплом. Семей қаласы. 2012 жыл.