Мансұр Тиатұлы Ғатаулин (1903 жыл – 1937 жыл) – партия және қоғам қайраткері.
| Мансұр Ғатаулин | |
| Туған күні | 1903 |
|---|---|
| Қайтыс болған күні | 1937 |
| Азаматтығы | |
| Ұлты | Қазақ |
| Қызметі | Қазақ мемлекеттік баспасының меңгерушісі, Ақмола аудандық партия комитетінің бірінші хатшысы. |
Еңбек жолы
1932 жылдан Қазақ мемлекеттік баспасының меңгерушісі. 1936 – 1937 жылдары Ақмола аудандық партия комитетінің бірінші хатшысы.
Мансұр Ғатаулиннің наразылығы
Мансұр Ғатаулин Қазақ өлкелік комитетінің бірінші хатшысы Ф.И.Голощекиннің әрекетіне өз наразылығын ашық білдірді, ұжымдастыру жылдарындағы қазақ даласындағы жаппай ашаршылық жағдайлары жөнінде хабарлады, сол үшін қуғын-сүргінге ұшырады. 1930 жылдардағы Қазақстандағы апатты жағдай жөнінде айтылған Ғ.Мүсірепов, М.Дәулетқалиев, Қ.Қуанышев, Е.Алтынбековтермен бірге «Бесеудің хатына» қол қойды.
1937 жылы қараша айында Қарағанды қаласында Қарқаралы округінің арасында М.Ғатаулин де болған жетекші партия, кеңес қызметкерлерінің үстінен сот процесі өткізілді. Жалған айып тағылып, М. Ғатаулин 1937 жылдың қарашасында атылды. 1957 жылы ақталды.