Мәжит Бегалин

Мәжит Сапарғалиұлы Бегалин
Жалпы мағлұмат
Туған күні	22 ақпан 1922 (1922-02-22)
Туған жері	қазіргі Дегелең, Абай ауданы (Абай облысы), Абай облысы
Қайтыс болған күні	5 мамыр 1978 (1978-05-05)(56 жас)
Қайтыс болған жері	Мәскеу
Азаматтығы	КСРО
Мамандығы	режиссёр
Белсенді жылдары	1955—1975

Мәжит Сапарғалиұлы Бегалин (22 ақпан 1922, қазіргі абай облысы, Абай ауданы, Дегелең а. - 5 мамыр 1978, Мәскеу) — кинорежиссер, Қазақстанның еңбек сіңірген өнер қайраткері (1966). 2-дүниежүзілік соғысқа қатысқан.

Арғын тайпасы Қаракесек руының Байбөрі бөлімінен шыққан.

1948 жылы Мәскеудегі Бүкілодақтық кинематография институтын бітірген.

1950 - 1978 жылдары "Қазақфильм" киностудиясында режисер болып, өз замандастары туралы "Бұл Шұғылада болған еді" (1955), "Жерге қайта М.Бегалинның оралуы" (1959), "Тұлпардың ізі" (1964) көркем фильмдерді қойды.

Ш. Уәлиханов туралы "Оның күні туады" (1957), Б. Момышұлы жайында "Артымызда Мәскеу" сценарий авторы (1967).

1968 жылы Фрунзе (қазіргі Бішкек) қаласында өткен Орта Азия мен Қазақстан кино өнері байқауының бас жүлдесі мен 1- дәрежелі дипломы иегері.

М. Мәметова туралы "Мәншүк туралы баллада" (1969) секілді тарихи-ғұмырнамалық фильмі Бегалиннің режиссерлік шеберлігін танытты.

1970 ж. Минск қаласында өткен Бүкілодақтық кинобәйгедегі КСРО Қорғаныс минстрлігінің бас жүлдесі иегері.

Ресми шығармашылығы туралы "Мажит Бегалин" атты деректі фильм (1981) түсірілген.

Еңбек Қызыл Ту, "Құрмет белгісі" ордендерімен марапатталған.

Мэтр. Мажит Бегалин туралы естеліктер, Астана, 2002 (қазақ, орыс тілдерінде).