Самар ауданы

Самар ауданы — Шығыс Қазақстан облысының оңтүстік-батысында орналасқан әкімшілік-аумақтық бірлік.

Қазақстан ауданы
Самар ауданы
Әкімшілігі
Облысы	Шығыс Қазақстан облысы
Аудан орталығы	Самар
Ауылдық округтер саны	8
Ауыл саны	22
Әкімі	Серік Жеңісұлы Жеңісов
Аудан әкімдігінің мекенжайы	Самар ауылы, Горохов көшесі, №58
Тарихы мен географиясы
Координаттары	49°01′17″ с. е. 83°21′49″ ш. б. / 49.02139° с. е. 83.36361° ш. б. / 49.02139; 83.36361 ^(G) ^(O) ^(Я)Координаттар: 49°01′17″ с. е. 83°21′49″ ш. б. / 49.02139° с. е. 83.36361° ш. б. / 49.02139; 83.36361 ^(G) ^(O) ^(Я)
Құрылған уақыты	7 маусым 2022 жыл
Жер аумағы	5,5 мың км²
Уақыт белдеуі	UTC+5:00
Тұрғындары
Тұрғыны	11 934 адам (2023)
Ұлттық құрамы	қазақтар (69,83%), орыстар (25,77%), немістер (1,73%), татарлар (0,99%), басқа ұлт өкілдері (1,68%)
Сандық идентификаторлары
Автомобиль коды	16
Самар ауданының әкімдігі

Географиялық орны

Аудан батысында Ұлан, солтүстігінде Алтай, Катонқарағай, шығысында Күршім аудандарымен, оңтүстігінде Абай облысының Көкпекті ауданымен шектеседі.

Тарихы

Орталығы Самар ауылы болып Семей округі құрамында 1928 жылдың 17 шілдесінде Семей губерниясындағы Бұқтырма уезінің Тимофеев болысы, Зайсан уезінің Көкпекті болысы, Өскемен уезінің Бөкен болысы бірігуімен құрылды. Оның құрамына 24 ауылдық Кеңес (Александов, Батан, Братск, Бөкен, Қазынақ, Көкпекті, Малороссиск, Мариногорск, Меновновск, Миролюб, Мәскеу, Ново-Архангельск, Олегов, Пантелеймонов, Петропавловск, Подгорный, Преображенский, Прохладненский, Розовск, Самар, Славянск, Тимофеев, Шегелек, Чистоярск) кірді.

1930 жылы 23 шілдеде Бүкілресейлік орталық атқару комитетінің қаулысымен Қазақстан автономиялы Кеңестік Социалистік Республикасындағы округтік бөлініс жойылып, ірілендірілген аудандық бөліністер құрылды. Самар ауданы таратылып, оның аумағы 1930 жылғы 17 желтоқсаннан республикалық бағыныштылықтағы Көкпекті және Күршім аудандары құрамына енді.

Шығыс Қазақстан облыстық атқару комитетінің 1935 жылғы 24 ақпандағы қаулысымен Көкпекті және Күршім аудандарын ірілендіру барысында құрамында 15 ауылдық кеңесі бар Самар ауданы қайта құрылды.

Қазақ КСР Жоғарғы Кеңесі Төралқасының 1954 жылғы 13 тамыздағы Жарлығымен ауылдық кеңестерді ірілендіру жұмыстары жүрді.

Қазақ ССР Жоғарғы Кеңесі Төралқасының 1963 жылғы 2 қаңтардағы Жарлығымен Өнеркәсіптік және ауылдық жерлерді бөлу бойынша әкімшілік-аумақтық реформа аясында құрамында сегіз ауылдық кеңесі бар Самар ауылдық ауданы болып қайта құрылды.

Қазақстан Республикасы Президентінің 1997 жылғы 23 мамырдағы Жарлығымен Самар ауданы таратылып, оның аумағы Көкпекті ауданының құрамына енді.

Қазақстан Республикасы Президентінің 2022 жылғы 3 мамырдағы № 887 Жарлығымен 7 маусым күні Көкпекті ауданы құрамынан бөліну арқылы Самар ауданы қайта құрылды.

Халқы

1939	1959	1970	1979	1989	2023
34465	▼26717	▲29037	▼26571	▼24713	▼11934

Әкімшілік бөлінісі

22 елді мекен 8 ауылдық округке біріктірілген:

Халқының саны (2009, 2021)

Ауылдық округтері	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
Аққала ауылдық округі	1560	▼1088	69,7	788	▼567	72	772	▼521	67,5
Бастаушы ауылдық округі	1403	▼976	69,6	703	▼501	71,3	700	▼475	67,9
Құлынжон ауылдық округі	1539	▼1271	82,6	752	▼657	87,4	787	▼614	78
Мариногор ауылдық округі	1275	▼820	64,3	643	▼419	65,2	632	▼401	63,4
Миролюбов ауылдық округі	1069	▼759	71	517	▼376	72,7	552	▼383	69,4
Палатцы ауылдық округі	1486	▼660	44,4	746	▼336	45	740	▼324	43,8
Самар ауылдық округі	6885	▼6195	90	3268	▼2981	91,2	3617	▼3214	88,9
Сарыбел ауылдық округі	1087	▼533	49	542	▼269	49,6	545	▼264	48,4
ЖАЛПЫ САНЫ	16304	▼12302	75,4	7959	▼6106	76,7	8345	▼6196	74,2

Ірі елді мекендері

Елді мекен	Халқы (2021)
Самар	▼5948
Аққала	▼738
Бастаушы	▼707
Құлынжон	▼679
Көкжыра	▼592
Мариногорка	▼551
Миролюбовка	▼550

Әкімдері

1. Раджан Сейітқанов (06.2022 — 04.2023)
2. Нұрлан Махамбетов (04.2023 — 08.2024)
3. Серік Жеңісов (12.2024 бастап)

Сілтемелер

• Самара ауданы. Әкімшілік өзгерістер