Сеңгір таулары (ағылш. Rocky Mountaіns) — Солтүстік Американың батысындағы (Канада және АҚШ жерінде) тау жүйесі. Солтүстік-батыстан оңтүстік-шығысқа қарай 3200 км-ге созылған, ені 700 км-дей. Солтүстік Америкадағы Кордильераның шығыс бөлігін құрайды.
| Сеңгір таулары | |
 | |
| Сипаттамасы | |
|---|---|
| Тау жүйесі | Кордильера |
| Пайда болған кезеңі | |
| Ұзындығы | 3200 км |
| Ені | 700 км |
| Ең биік шыңы | Эльберт тауы |
| Биіктігі | 4399 м |
| Орналасуы | |
| 42°23′ с. е. 115°56′ б. б. / 42.383° с. е. 115.933° б. б. (G) (O) (Я)Координаттар: 42°23′ с. е. 115°56′ б. б. / 42.383° с. е. 115.933° б. б. (G) (O) (Я) | |
| Елдер |
|
| | |
Жер бедері
Көптеген шыңдарының биіктігі 3500 м-ден (Колумбия тауы, 3747 м; Робсон, 3954 м) асады. Ең биік жері — Элберт тауы (4399 м). Тынық және Атлант мұхиттары алабының суайырығын құрайды. Сеңгір таулардан Миссури, Колорадо, Рио-Гранде, Снейк, Арканзас, т.б. өзендері басталады.
Геологиялық құрылымы, пайдалы қазбалары
Сеңгір таулар Ларамий қатпарлығы кезеңінде (бордың аяғы — палеоген) қалыптасып, кейіннен жаңа көтерілімге ұшыраған. Молибден, мыс, алтын, күміс, полиметалл, мұнай, тас көмір кендері шоғырланған. Гейзерлер мен термалды бұлақтар бар.
Өсімдігі
Солтүстік беткейлерінде тайгалық орман, оңтүстігінде қарағайлы орман басым. Ормандардың жоғарғы шекарасының биіктігі 1500 м-ден (солтүстік) 3600 м-ге (оңтүстік) дейін, одан жоғары — альпі шалғыны мен мәңгі қар, мұз тараған. Аңғарлары — дала мен шөлейт. Ірі ұлттық саябақтары: Джаспер, Банф, Йохо (Канадада), Йеллоустон, Роки-Маунтин (АҚШ-та).