Үлкен Қарақамыс

Үлкен Қарақамыс
Морфометрия
Өлшемі	4,6 × 4,1 км
Ауданы	6,8 км²
Жағалау сызығының ұзындығы	20,4 км
Тереңдігі	2,8 м
Су алабы
Суды жинау ауданы	10,5 км²
Орналасуы
54°10′37″ с. е. 66°18′45″ ш. б. / 54.177° с. е. 66.3125° ш. б. / 54.177; 66.3125 (G) (O) (Я)Координаттар: 54°10′37″ с. е. 66°18′45″ ш. б. / 54.177° с. е. 66.3125° ш. б. / 54.177; 66.3125 (G) (O) (Я) (T)
Ел	Қазақстан
Аймақ	Солтүстік Қазақстан облысы
Аудан	Жамбыл ауданы
Үлкен Қарақамыс
Үлкен Қарақамыс

Үлкен Қарақамыс — Есіл алабындағы көл.

Солтүстік Қазақстан облысы Жамбыл ауданы жерінде, Қарақамыс ауылынан оңтүстікке қарай 6 км жерде орналасқан.

Су айдынының аумағы 6,8 км², су мол жылдары 10,5 км²-ге дейін ұлғаяды. Ұзындығы 4,6 км, ені 4,1 км. Жағалауының ұзындығы 20,4 км, ең терең жері 2,8 м. Су жиналатын алабы түгелімен дерлік жыртылған. Көл түбіндегі тұнбаның қалыңдығы 0,5 - 0,7 м. Суы сәл ащылау, көктемде жұмсарады, жаздың соңына қарай суы кермек татиды.

Қазаншұңқырда жатқан көлдің жағалауы аласа, түбі тегіс, сазды. Жағалауында қатты сабақты өсімдіктер өскен. Қамыс, құрақ, шалғын, қияқ өскен. Құстардың келу, кету кезінде, әсіресе, күзде мұнда мыңдаған сұр, ақбас қаздар, сұр тырна, т.б. сулы-сазды жерді мекендейтін құстар көп болады.