«Маска» — Munhwa Broadcasting Corporation ұсынған «Masked Singer» халықаралық форматының қазақстандық нұсқасы болып табылатын музыкалық телешоу. Жоба сахнасында түрлі жұлдыздар ерекше киім киіп, жеке басын жасырып өнер көрсетеді.
Жобаның Қазақстандағы 1-2 маусымдағы жүргізушісі, әзілкеш, шоумен — Жахан Отарғалиев, ал 3-маусымдағы жүргізушісі, журналист — Ардақ Қасымхан.
| Маска | |
| |
| Жанр | музыкалық телешоу |
|---|---|
| Негізделген | King of Mask Singer |
| Жүргізуші | Жаһан Отарғалиев (1, 2 маусым) |
| Маусым саны | 3 |
| Өндіріс | |
| Продюсері | |
| Тұсаукесерлік көрсетілім | 2021 жыл |
Ережесі
Қазақстандық нұсқасында танымал өнерпаздар, қазылар алқасы (детектив) мен көрермендердің алдында өздерінің жеке басын толығымен жасыратын түрлі ерекше маскалар киіп өнер көрсетеді. Орындаушылар туралы ақпарат қатаң түрде сақталады, өйткені жобаға қатысушылар жария етпеу туралы келісімшартқа қол қояды және олар тек сахнада ғана емес, сонымен қатар сахна артында да сенімді қорғалады. Байқауға қатысушылардың шынайы дауыстары олардың шынайы бет-бейнесін ашқанда ғана естіледі, ал қалған уақытта бұрмаланған дауыс сүзгісі арқылы сөйлейді.
Шығарылым басында қатысушылар 3 топқа бөлінеді. Сайысқа қатысушының өнер көрсетуі алдында жұмбақ сайыскер өзінің шынайы болмысын ашатын бейнеролик көрсетіледі. Әр топ орындағаннан кейін аудитория іріктеу үшін үміткерді таңдау үшін дауыс береді. Эпизодтың соңында бір қатысушыны көрермендер, екіншісін қазылар алқасы құтқарады, ал үшінші маска шоудан шығады. Бағдарлама барысында қазылар алқасы сол жерде өнерпаздың кім екені туралы соңғы болжам жасайды. Эпизодтың соңында анықталған сайыскер дауысты әнді орындайды. Осылайша, әрбір эпизод сайын тек төрт қатысушы финалға жеткенше маскалар саны азаяды.
Қазақстанда алғаш рет "Хабар" арнасындағы маусымдарда коронавирусқа байланысты залда тек детективтер ғана қай масканың ашылатынын дауыс беру арқылы таңдады.
Жартылай финалда арнайы қонақтар да шығады, олардың шынайы тұлғасын тек бір өнер көрсетуімен ғана анықтауға болады.
Финал екі кезеңде өтеді: біріншісінде төрт финалист те сахнаға шығып, әрқайсысы бір әнді орындайды, содан кейін бірден қазылар алқасы олардың қайсысы бетпердесін бірінші болып шешетінін шешеді. Содан кейін екінші кезеңде финалдық үштік тағы бір ән орындайды, содан кейін қазылар алқасы масканы кім бірінші шешетінін, кім екінші болатынын және кім өзінің шынайы бет-бейнесін ең соңғы ашып, жеңімпаз болатынын анықтайды.
Маусымдары
1 маусым
Қазақстанда шоудың бірінші маусымы "Хабар" телеарнасында 2021 жылы наурызда басталды. Қатысушылар саны -12. Детективтер құрамы - Жанар Айжанова, Ерке Есмахан, Марат Оралғазин, Мейіржан Төребаев, 5-сі ауысып отыратын қонақ детектив.
2 маусым
3 маусым
Шоудың Қазақстандағы 3-маусымы Жетінші арнада 2024 жылғы желтоқсан - 2025 жылғы ақпан аралығында болды.
Қатысушылар саны -12. Детективтер құрамы - Қарагөз Тілеубекова, 91 тобының солисті - Ace, "Казахи" КВН командасының мүшесі болған - Гүлнар Сильбаева, 4-детектив - Қазақстанда көптеген рөлдерді ойнаған актер - Шәріп Серік. 5-сі детектив - әр бағдарлама сайын ауысып отырған қонақ детектив.
Сілтемелер
- Алфавит бойынша телебағдарламалар
- Қазақстан телебағдарламалары