Сүр ет – сақтауға арналып, кептірілген ет. Соғымға сойылған малдың етін немесе жазда сойылған малдың етін тұздап, кептіріп сүрлейді. Қыс бойы арсада ілулі тұрған ет кепкен соң (ызғар қайта бастаған кезде) қапқа салынып, қыстаудан көктемеге, одан жайлауға көшкенде алып жүруге қолайлы, бұзылмайды. Соғым еті ерте көктемде “сүр ет” аталады.
Сүр етті, сүрленген қазыны қаптағы ұнға тығып та сақтайды. Көктем кезінде сыртқа шығарып жайып желге қақтырады.