Көркем фильм, оқиғалы фильм – кино өнерінің көркем кинематографияға жататын жеке туындысы. Көркем фильм әдеби сценарий мен актерлік ойын, режиссура, операторлық шеберлік, қоюшы-суретшінің, көркемдеуші-суретшінің, композитордың, дыбыс операторының шығармашылығы және т.б. техникалық тетіктерді пайдалану арқылы жасалған кинематогр. еңбек. Көркем фильмге көркем кинематографияда кеңінен таралған, оған актерлік ойын шеберлігі арқылы көркемдігі айшықталатын шытырман оқиғалы (вестерн), мюзикл, триллер, комедия, мелодрама және тағы басқа жанрларда шығарылған фильмдер жатады.
