Бәйділда Қалтаев (17 ақпан 1911 жыл, қазіргі Алматы облысы Қарасай ауданы – 7 ақпан 1979 жыл, Алматы қаласы) – актер, Қазақстанның халық артисі, (1969). Екінші дүниежүзілік соғысқа қатысқан.
| Бәйділда Қалтаев | |
| Жалпы мағлұмат | |
|---|---|
| Туған күні | 17 ақпан 1911 |
| Туған жері | қазіргі Қарасай ауданы, Алматы облысы, Ресей империясы |
| Қайтыс болған күні | 7 ақпан 1979 (67 жас) |
| Қайтыс болған жері | Алматы |
| Азаматтығы |
|
| Мамандығы | актёр |
| Белсенді жылдары | 1959-1979 |
Өмірбаяны
Арғын тайпасының Тарақты руынан шыққан.
Қазақ драма театрының студиясын (1932 – 1935) бітірген соң 1937 жылға дейін қазақ драма театрында, одан кейін Семей облыстық музыкалық драма театрында (1937 – 1942), Қызылорда облыстық драма театрында (1946 – 1950), ал 1950 жылдан өмірінің соңына дейін Қазақ балалар мен жас өспірімдер театрының құрамында қызмет еткен.
Ойнаған рөлдері
Амангелді (Ғ. Мүсірепов, “Амангелді”), Ыбырай (М. Ақынжанов, “Ыбырай Алтынсарин”), Сардар (Қ. Мұхамеджанов, “Өзіме де сол керек”), Абыз (М. Әуезов, “Еңлік–Кебек”), Әбутәліп (С. Мұқанов, “Мөлдір махаббат”), Байтемір (Ш. Айтматов, “Арманым, Әселім”), Құнанбай (Ш. Аймановтың "Жас Абайында"), Ораз (Т. Ахтановтың "Әке мен бала"), т.б. сияқты әр алуан күрделі рольдерді ойнаған.