Баянауыл ауылы

Баянауыл
	Ауыл
	Баянауыл
Әкімшілігі
Ел	Қазақстан
Статусы	Аудан орталығы
Облысы	Павлодар
Ауданы	Баянауыл
Ауылдық округі	Баянауыл
Тарихы мен географиясы
Координаттары	50°47′36″ с. е. 75°42′10″ ш. б. / 50.79333° с. е. 75.70278° ш. б. (G) (O) (Я)Координаттар: 50°47′36″ с. е. 75°42′10″ ш. б. / 50.79333° с. е. 75.70278° ш. б. (G) (O) (Я)
Құрылған уақыты	1826
Жер аумағы	11 км²
Климаты	Шұғыл континенттік климат
Уақыт белдеуі	UTC+5:00
Тұрғындары
Тұрғыны	6 040 адам (2023)
Тығыздығы	507,27 адам/км²
Сандық идентификаторлары
Автомобиль коды	14
	Баянауыл картада Баянауыл Баянауыл картада Баянауыл
	Баянауыл шекарасы

Баянауыл — Павлодар облысындағы ауыл, Баянауыл ауданының (1928 жылдан) және Баянауыл ауылдық округінің орталығы.

Географиялық орны

Павлодар қаласынан оңтүстік-батысқа қарай 210 км жерде, Баянауыл тауының оңтүстік-шығыс бөктеріндегі Сабындыкөл жағасында орналасқан. Табиғаты аса сұлу жер, тауындағы қарағайлы орманында қайың, қандыағаш, мойыл, тағы басқа аралас келеді. Орман ішінде жидек, таңқурай, қарақат, саңырауқұлақ өседі. Ең жақын темір жол бекеті – Екібастұз (135 км).

Халқы

Саны (1999, 2009, 2021)
1999	2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
5998	▼5893	▲6078	103,1	2854	▲3047	106,8	3039	▼3031	99,7

Тарихы

Іргесі 1826 жылы қаланған, 1833-1868 жылы Баянауыл сыртқы округінің әкімшілік орталығы болды. Баянауылдың Қарқаралы мен Павлодар қалалары аралығында орналасуы оның экономикалық маңызын күшейтті. Мұнда үлкен жәрмеңкелер өткізіліп тұрды.

Кәсіпорындары

3 көмір өңдірісі, алтын өңдірісі және әк өңдірісітері жұмыс істейді.

Инфрақұрылымы

3 орта мектеп, 4 балабақша, Жаяу Мұса өнер мектебі, Ertis колледжі, Сұлтанмахмұт Торайғыров мәдениет үйі, Қаныш Сәтбаев мұражайы, аудандық аурухана, аудандық кітапхана, 2 диспансер, санитарлық - эпидемиологикалық станциясы, баспахана бар. Тұрғындары облыс орталығына және Екібастұз қаласына, елді мекендерге автомобиль жолы арқылы қатынасады.