Жеңіс шыңы (қыр. Жеңиш чокусу; орыс. Пик победы) — Тянь-Шаньдағы ең биік және ең қиыр солтүстікте орналасқан жетімыңдық шың. Абсолюттік биіктігі 7439 метрді құрайды. Шыңның жан-жағын аумақты қалың мұз басқан.
Орналасуы
Қырғыз Республикасындағы Какшаал-Тоо жотасының шығыс бөлігінде, Хан Тәңірі шыңының оңтүстігінде 20 км жерде орналасқан.
Шыңды бағындыру
Шыңның басына тұңғыш рет 1938 жылы альпинистер Л.Гутман, Е.Иванов, А.Сидоренко көтерілді. Кеңес Одағы кезінде ол БЛКЖО-ның 20 жылдығы атындағы шың деп аталды. Шыңның биіктігін дәлірек анықтаған — әскери топографтар экспедициясы (1943).