Жолбарыс Жылқайдарұлы (1671–1761) — Жалайыр руының Күшік бөлімінен шыққан би, батыр. «Ақтабан шұбырыңды, Алқакөл сұлама» жылдары Іле мен Қаратал өзенінің аралығыңаағы жоңғарларға қарсы шайқастарға қатысқан. Кейін Жетісу жері жаудан тазартылған соң, босқан елді атамекеніне қайтаруға үлес қосқан. Ел аузындағы аңыздарда, Жолбарыс денесіне жау қаруын дарытпаған батыр әрі қара қылды қақ жарған би ретінде сипатталады. Бейіті Үштөбе қаласына жақын Қалпе ауылының күншығыс жағындағы үлкен қорымда. 1996 жылы бидің ұрпақтары онда үлкен кесене тұрғызып, құлпытас орнатты.
Жетісу облысы Қаратал ауданының Кәлпе ауылынан оңтүстік-шығысқа қарай 0,3 км жерде Жолбарыс батыр кесенесі орналасқан.
Санаттар:
- Тұлғалар
- Қазақ би-шешендері
- Қазақ батырлары