II Мұстафа

II Мұстафа осман. مصطفى ثانى‎ — Mustafâ-i sânî Мүміндер әмірі Екі киелі қаланың қызметкері
Лауазымы
Османлы мемлекетінің 22-ші сұлтаны Ислам халифатының 87-ші халифі
6 ақпан 1695 — 22 тамыз 1703
(Лақап аты Жеңімпаз II Мұстафа)
Ізашары	II Ахмет
Ізбасары	III Ахмет
Өмірбаяны
Мамандығы	Аңшы, қолбасшы
Діні	Ислам
Дүниеге келуі	6 ақпан 1664 (1664-02-06) Константинополь, Османлы мемлекеті
Қайтыс болуы	29 желтоқсан 1703 (1703-12-29)(39 жас) Константинополь, Османлы мемлекеті
Жерленді	Жаңа Уәлиде сұлтан мешіті, Ыстамбұл
Династия	Османлы әулеті
Әкесі	IV Мехмет
Анасы	Әметуллаһ Рабиға Гүлнүш сұлтан
Жұбайы	Әлиженап сұлтан Шаһсуар сұлтан Салиха Себкати сұлтан Хүмашаһ сұлтан Әфифе сұлтан Иваз сұлтан Бахтияр сұлтан Қадиша сұлтан Гүлнұр сұлтан Махфируз Қадиша сұлтан Хафиза сұлтан
Балалары	Ұлдары: I Махмұт Мехмет шаһзада Сәлім шаһзада Мұрат шаһзада Ахмет шаһзада III Осман Хасан шаһзада Құсайын шаһзада Ахмет шаһзада Қыздары: Әтике сұлтан Үлкен Айша сұлтан Әмина сұлтан Сафие сұлтан Үлкен Рүкие сұлтан Қадиша сұлтан Фатима сұлтан Есма сұлтан Кіші Рүкие сұлтан Үммігүлсім сұлтан Зейнеп сұлтан Әметуллаһ сұлтан Кіші Айша сұлтан
Қолтаңбасы
II Мұстафа Ортаққорда
өңдеу

II Мұстафа (осман. مصطفى ثانى‎ — Mustafâ-i sânî; ақындық лақап аты — İkbâlî; 6 ақпан 1664 — 29 желтоқсан 1703) — Османлы мемлекетінің 22-ші сұлтаны, Ислам халифатының 87-ші халифі, аңшы, қолбасшы.

II Мұстафа 1664 жылы османлы елордасы Константинопольде османлы сұлтаны IV Мехмет шаңырағында дүниеге келді. Өзінің көкелері және ізашарлары II Сүлеймен мен II Ахметтен айырмашылығы — кафесте қамалмай, Эдирнеде емін-еркін өмір сүрді.

Көкесі II Ахмет қайтыс болған соң таққа отырды. Таққа отырған кейін Киелі Лигаға қарсы сәтсіз соғысты жеңуге әрекет етті. 1696 жылы Балқан жорығын өзі бастады. Сұлтан әскер аустриялық әскерден сан жағынан басым болғаннан кейбір жетістіктерге жетті. Алайда 1697 жылы садрағзам Алмас Мехмет паша бастағана османлы әскері ханзада Еуген фон Савойен бастаған габсбург әскерінен жеңілді. 1696 жылы орыс әскері Азауды алды.

1699 жылдың 26 қаңтарында Карловци бітім шарты жасалды. Бұл бітім шарт бойынша Венецияға Морея мен Далмация, Аустрияға Мажарстан мен Трансильвания, ал Польшаға Подолье өтті. Бұл оқиға елдің Әлсіреу дәуірінің бастамасы еді. 1700 жылдың 14 шілдесінде жасалған Константиние бітім шарты бойынша Ресейге Азов өтті.

Соғысты аяқтаған соң көбінесе Эдирнеде аңшылықпен айналысты. 1703 жылдың тамызында оған қарсы көтеріліс басталды. Көтерілісшілерге жаңа шеріктер де қосылды. Біріккен соң олар сұлтан тұрып жатқан Эдирнеге жорық жасады. Сұлтан ұланы көтерілісшілермен кездескенде солардың жағына өтті. Содан кейін II Мұстафа тақтан безді. Тақты інісі III Ахмет мұралады.