Баян сұлу- Павлодар облысының Баянауыл ауд. Мәдениет үйі жанындағы халық ән-би ансамблі. 1970 ж. құрылды. 1975 ж. халық ансамблі атағы берілді. Ансамбльдің көркемдік жетекшілері әр жылдары К.Шәймерденов (1970), Ж.Мұқаев (1980), Т.Әбдіқалымовтар (1981) болды. Ансамбль құрамында домбыра, би және вокалдық-аспаптык топтар жұмыс істеді. Оның репертуарынан қазақ халық әндері мен билері, қазіргі заман композиторларының шығармалары, сондай-ақ, "Баянауыл", "Туған елім - Қазақстан", "Мәңгі біргеміз", т.б. мерекелік бағдарламалар болды. Гастрольдік сапармен Семей, Қарағанды облыстарында, Алматыда (1986) өнер көрсетті
Санат:
- Мәдениет