Жеміс-жидек ауылы

Ауыл
Жеміс-жидек
Әкімшілігі
Ел	ҚазақстанҚазақстан
Облысы	Жамбыл
Ауданы	Меркі
Ауылдық округі	Жамбыл
Тарихы мен географиясы
Координаттары	42°50′49″ с. е. 73°10′22″ ш. б. / 42.84694° с. е. 73.17278° ш. б. / 42.84694; 73.17278 (G) (O) (Я)Координаттар: 42°50′49″ с. е. 73°10′22″ ш. б. / 42.84694° с. е. 73.17278° ш. б. / 42.84694; 73.17278 (G) (O) (Я)
Құрылған уақыты	1957
Алғашқы дерек	1929
Бұрынғы атаулары	Пұшық төре, Плодовоягодное
Уақыт белдеуі	UTC+5:00
Тұрғындары
Тұрғыны	▲2463 адам (2021)
Сандық идентификаторлары
Телефон коды	+7 72632
Автомобиль коды	08
Жеміс-жидек Жеміс-жидек
Жеміс-жидек шекарасы

Жеміс-жидек (2023 жылға дейін — Плодовоягодное) — Жамбыл облысы Меркі ауданы, Жамбыл ауылдық округі құрамындағы ауыл.

Аудан орталығы - Меркі ауылының оңтүстік-батыс іргесінде. Ауылда орта мектеп, кітапхана, фельдшерлік пункт бар.

Ауылды колхоздастырған 1929 жылдан бұрын бұл жерді Обров деген орыс жеміс-жидек отырғызған екен. Кеңсірік-мұрын ауруына шалдыққан Обров мұрнын үнемі ақ шүберекпен көлденең таңып жүретіндіктен, әрі қазақ тілін еркін сөйлей білетіндіктен жергілікті қазақтар оны "Пұшық төре" деп атап кеткен екен. Оның екі жерде: өзі қоныстанған жерде және Талдыбұлақ деген жерде жеміс-жидек бақтары болыпты. Оларды ел "Обровтың шарбағы" деп атаған.

Жеміс-жидек ауылы 1937 жылы Меркі ауданының көкөніспен айналысатын питомнигі болып құрылған. 1957 жылы Меркі аудандық мемлекеттік питомник кеңшары болып қайта құрылды. 1957 жылдан бастап көшет отырғызумен айналысып, кейіннен бау-бақша, жеміс-жидек, көкөніс өсірумен бірге, будандастырылған әртүрлі жеміс-жидек көшеттерін отырғызып өсіруде.

Ауыл 1959 — 97 ж. жеміс-жидек өсіретін кеңшардың бөлімшесі болып келді. Оның негізінде Плодовоягодноеде 1997 жылдан шаруа қожалықтары жұмыс істейді. Ауылда орта мектеп, клуб, фельдшерлік-акушерлік пункт, т.б. мекемелер бар.