Кит мұрты - мұртты киттердің жоғарғы жақтарындағы мүйізді тақтайшалар. Олар ауыз айналасының шетінде тығыз орналасқан. 130-дан, (сұр кит) 400-ге дейін, (жолақ кит) болады. Тақтайшалар үш бұрышты, олардың ең үлкен жағы ауыз қуысына қараған, ал кішкене жағы қызыл иекке бекіген. Ауыз қуысына қараған тактайшалардың шеті жіңішке, ұзын түтікшелерге бөлшектенген. Олар өзара өріліп щетка құрайды. Кит олардың арасынан суды сүзіп, ауызға түскен жануарларды қоректенеді.
