Норвег тілі

Норвег тілі (norsk [nɔʂːk]) — солтүстік герман тілдерінің батыс-скандинавия тобы, Норвегияның ресми тілі. Бұл тілде шамамен 5 млн адам сөйлейді.

Тарихы

12 ғасырдың аяғында көне норвег тілі өз бетінше тіл болып қалыптасты. 15 ғасырдың ортасында норвег тілі көптеген норвегтердің тіліне айналған болатын.

Қазіргі норвег тілінің 2 бәсекелес және «ресми» түрі бар — букмол (норв. bokmål — кітаби тіл) және нюнорск (норв. nynorsk — жаңа норвегиялық).

Букмол (риксмол) кең таралған, жазба дат тілінен шыққан, Норвегия территориясында Дания–Норвегия (ағылш. Denmark–Norway) мемлекеті тұсынан бастап қолданылады. Букмол тілінде үнжария және журналдар жарияланады; ол жазба тіл сапасында пайдаланылады.

Жаңа норвег формасы — нюнорск — батыс ауыл диалектілеріне негізделген, 19 ғасыр ортасында көне скандинавия тілдік дәстүрін сақтау үшін Ивар Осен (1813—96) ойлап тапқан. Екі тіл де ресми дәрежеде және білім жүйесінде.

Екеуін жалпы бірте-бірте бір тіл — самнорск (ағылш. samnorsk) ету саясаты жоспарда болған, бірақ 2002 жылы ресми тоқтатылған болатын.

Норвег әліпбиі

Норвег әліпбиі 29 әріптен құралады:

A

B

C

D

E

F

G

H

I

J

K

L

M

N

O

P

Q

R

S

T

U

V

W

X

Y

Z

Æ

Ø

Å

a

b

c

d

e

f

g

h

i

j

k

l

m

n

o

p

q

r

s

t

u

v

w

x

y

z

æ

ø

å