Орта Азия — Азия құрлығының Қырғызстан, Өзбекстан, Тәжікстан, Түрікменстан Республикалары мен Қазақстанның оңтүстік облыстарының жерлерін қамтитын аймақ. Абай өзінің «Біраз сөз қазақтың түбі қайдан шыққаны туралы» деген тарихи еңбегінде: «.. .арабтан бұл Орта Азияға дін исламды үйретушілер көп әскермен келіп, халықты жаңа дінге қаратып жүргендерінде Құтайба атты кісі Қашқарға дейін келіп, халықты исламға көндіргенде, бұлар да мұсылман болдық депті» деген деректер арқылы арғы түбі Күншығыс Сібірден келіп, Алатау бөктерлерін мекендеген қазақтардың ислам дініне кіру тарихынан мағлұмат береді.
Тарихы
Орта Азия 1218 жылдан Моңғол жерлеріне кіре бастады. Ең алдымен 1218 жылы Шыңғыс хан өзінің қас жауын Кучлукты жеңіп, қара-қидан жерлерін өзіне тартып алды. 1219 жылдың күзінде Моңғолдар мен Хорезм елдерінің арасында соғыс басталды да, 1223 жылдың көктемінде, Моңғолдардың жеңісімен аяқталды.
Тағы қараңыз
- Орталық Азия
- Ресей империясының Орта Азиялық иеліктері